Чаргінец пракаментаваў адмову СІЗА №1 і СІЗА КДБ прыняць кнігі Саюза беларускіх пісьменнікаў
Саюз беларускіх пісьменнікаў паведаміў, што арганізацыя спрабавала перадаць у бібліятэку СІЗА №1 і СІЗА КДБ кнігі па-беларуску.
Сярод іх — творы класікаў айчыннай літаратуры, а таксама кнігі сяброў Саюза. Прычынай для такога кроку сталі скаргі фігурантаў «справы патрыётаў» пра недахоп літаратуры ў месцах зняволення.
Аднак прынамсі з СІЗА №1 прыйшла адмова з абгрунтаваннем, што «фонд бібліятэкі ўстановы ў поўнай меры забяспечаны кнігамі, у тым ліку на беларускай мове, і ў цяперашні час не адчувае патрэбу ў папаўненні».
Сітуацыю для «Нашай Нівы» пракаментаваў старшыня праўладнага саюза пісьменнікаў, генерал Мікалай Чаргінец.
«Кнігі — гэта форма зносінаў, — сказаў Чаргінец. — Праз іх можна перадаць усё, што хочаш. Калі асобным чынам чытаць тыя ці іншыя старонкі. Уявіце — сядзіце вы там, а іншы чалавек вырашыў перадаць важную для вас інфармацыю. У бібліятэку перадалі, а вы туды пайшлі, узялі і чытаеце тое, што хацеў бы той чалавек, каб вы чыталі. Гэта нармальныя нормы, ва ўсім свеце такі парадак, не трэба тут нічога шукаць».
«Набірала ваду з унітазнага бачка для гатавання, мыцця». Ганна Бонд шчыра распавяла пра цяжкае дзяцінства11
Каментары