Žančyna 30 hadoŭ žyła ŭ Biełarusi z rasijskim pašpartam. Kali dakumient skrali, jaje paŭhoda trymali ŭ SIZA i departavali
Historyjaj padzialiłasia ŭ svaim fejsbuku aktyvistka Volha Kavalkova.
U sakaviku Kavalkova atrymała 7 sutak za ŭdzieł u Maršy niedarmajedaŭ. Jana adbyvała pakarańnie ŭ SIZA Maładziečna, dzie i paznajomiłasia z 58-hadovaj žančynaj.
«Alena Domnina — zamužam za biełarusam, 30 hadoŭ žyvie ŭ Radaškovičach, pad Maładziečnam. Adnojčy jana jechała ŭ aŭtobusie i ŭ jaje parezali sumku, skrali pašpart. Nie adrazu, ale jana SAMA źviarnułasia ŭ Maładziečanski adździeł pa hramadzianstvie i mihracyi, a kali pryjšła praz paru miesiacaŭ 9 śniežnia 2016 hoda ŭdakładnić vynik, to jaje źmiaścili ŭ izalatar časovaha ŭtrymańnia. Nijakich dakumientaŭ pry hetym joj na ruki nie vydali. Jana jak čałaviek, što nie vielmi raźbirajecca ŭ pracedurach, nie razumieła, što jana tut robić, płakała, haładała, — piša Kavalkova. —
Za dzień da taho, jak ja trapiła ŭ hety izalatar, a było heta 10 sakavika 2017 hoda, joj prynieśli pastanovu ab tym, što jaje ŭtrymańnie ŭ izalatary praciahnuta da vieraśnia 2017 hoda. U pastanovie było napisana, što 28 studzienia 2017 jany zrabili zapyt ab vyrabie jaje pašparta ŭ rasijskuju ambasadu, to bok źmiaścili ŭ izalatar 9 śniežnia, a zapyt zrabili praz 2 miesiacy.
Jana nikoli ŭ žyćci nie pryciahvałasia ni da jakoj adkaznaści, žyła sabie, pracavała, a zaraz vymušanaja ŭ žudasnych umovach čakać kali joj vyrabiać pašpart».
A 25 maja stała viadoma, što Alenu Domninu ŭsio ž departavali ź Biełarusi.
-
«Heta prosta cud, što ja palacieła». Pasažyrka samalota z Dubaja stała na bok biełarusaŭ, jakija prosiać kampiensacyju ad apieratara
-
Na aŭkcyjonie prapanujuć nabyć «kavavy kubačak»
-
Biełaruski muzyka zhubiŭ u Varšavie svoj pašpart, ale znajšoŭ inšy — nieznajomaj žančyny. A ŭžo jana dapamahła znajści jahony
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary