Жанчына 30 гадоў жыла ў Беларусі з расійскім пашпартам. Калі дакумент скралі, яе паўгода трымалі ў СІЗА і дэпартавалі
Гісторыяй падзялілася ў сваім фэйсбуку актывістка Вольга Кавалькова.
У сакавіку Кавалькова атрымала 7 сутак за ўдзел у Маршы недармаедаў. Яна адбывала пакаранне ў СІЗА Маладзечна, дзе і пазнаёмілася з 58-гадовай жанчынай.
«Алена Домніна — замужам за беларусам, 30 гадоў жыве ў Радашковічах, пад Маладзечнам. Аднойчы яна ехала ў аўтобусе і ў яе парэзалі сумку, скралі пашпарт. Не адразу, але яна САМА звярнулася ў Маладзечанскі аддзел па грамадзянстве і міграцыі, а калі прыйшла праз пару месяцаў 9 снежня 2016 года ўдакладніць вынік, то яе змясцілі ў ізалятар часовага ўтрымання. Ніякіх дакументаў пры гэтым ёй на рукі не выдалі. Яна як чалавек, што не вельмі разбіраецца ў працэдурах, не разумела, што яна тут робіць, плакала, галадала, — піша Кавалькова. —
За дзень да таго, як я трапіла ў гэты ізалятар, а было гэта 10 сакавіка 2017 года, ёй прынеслі пастанову аб тым, што яе ўтрыманне ў ізалятары працягнута да верасня 2017 года. У пастанове было напісана, што 28 студзеня 2017 яны зрабілі запыт аб вырабе яе пашпарта ў расійскую амбасаду, то бок змясцілі ў ізалятар 9 снежня, а запыт зрабілі праз 2 месяцы.
Яна ніколі ў жыцці не прыцягвалася ні да якой адказнасці, жыла сабе, працавала, а зараз вымушаная ў жудасных умовах чакаць калі ёй вырабяць пашпарт».
А 25 мая стала вядома, што Алену Домніну ўсё ж дэпартавалі з Беларусі.
-
«Прагноз кіроўцы — 15—16 гадзін на мяжы». Пасажыры аўтобусаў, што едуць у Літву, скардзяцца на незвычайна доўгае чаканне
-
«Нават дарослыя хацелі далучыцца». Як беларусы ў эміграцыі арганізавалі летнік для дзяцей у Белавежскай пушчы
-
Застаўся без парэчак. Уладальнік гадавальніка пад Мінскам — пра тое, як надвор’е паўплывала на працу
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню45
Каментары