Zakony ab adnapołych šlubach, jakija prymajucca ŭ šerahu krain, «paryvajuć z maralnaj pryrodaj čałavieka i vyklikajuć takoje ž abureńnie ludziej, jak i zakony fašysckaj Hiermanii», zajaviŭ patryjarch Maskoŭski i ŭsioj Rusi Kirył.
Patryjarch ličyć, što zakony, jakija supiarečać maralnym pryncypam, nie mohuć ličycca abaviazkovymi.
«Kali zakon paryvaje svaju suviaź z maralnaściu, jon pierastaje być dla čałavieka abaviazkovym», — skazaŭ patryjarch, vystupajučy ŭ Biškiekskim univiersitecie.
Kiraŭnik RPC zaŭvažyŭ, što ludzi paŭstajuć suprać zakonaŭ ab hiej-šlubach «pa toj ža pryčynie, pa jakoj paŭstavali i suprać fašysckich zakonaŭ, i suprać zakonaŭ aparteidu — zakony paryvajuć z maralnaściu».
«Ja hłyboka pierakanany ŭ tym, što heta spakusa, kali chočacie, histaryčnaja spakusa, jakaja pryviała niekatoryja krainy da pryniaćcia hetych aburalnych zakonaŭ, što ŭsio heta pavinna prajści, bo ŭ advarotnym vypadku čałaviečaje hramadstva, razarvaŭšy suviaź pamiž svabodaj i maralnaj adkaznaściu, pamiž pravam i maralnym pačatkam, stanie niežyćciazdolnym», — skazaŭ patryjarch Kirył.
U ciapierašni čas u 20 krainach śvietu ŭzakonienyja adnapołyja šluby. Pieršaj takoj krainaj stali Niderłandy, dzie adnapołyja pary mohuć rehistravać šluby z 1 krasavika 2011 hoda.
Pavodle spravazdačy Centralnaha statystyčnaha biuro Niderłandaŭ, z 2001 hoda pa 2015 hod u Niderłandach byŭ zaklučany 21331 adnapoły šlub: 11196 pamiž dźviuma žančynami i 10135 pamiž dvuma mužčynami. U toj ža pieryjad było zaklučana 1077944 raznapołyja šluby.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie, aryštavali 1,8 młn jeŭra na jaje rachunkach20
Kamientary