Patrabavańni «Hazproma» da NAK «Naftahaz Ukrainy» pa ŭmovie «biary abo płaci» poŭnaściu admienieny. Pra heta paviedamili va ŭradzie Ukrainy. Taksama sud zadavoliŭ patrabavańnie NAK «Naftahaz Ukrainy» ab pierahladzie ceny ŭ kantrakcie na pastaŭku hazu z «Hazpromam» z ulikam rynkavych umoŭ.
NAK «Naftahaz Ukrainy» atrymaŭ papiaredniaje rašeńnie Stakholmskaha arbitraža, kančatkovaje rašeńnie maje być pryniataje ŭ červieni.
Sustrečnyja pazovy «Naftahaza» i «Hazproma» pa kantrakcie na pastaŭku hazu byli padadzienyja ŭ arbitraž u červieni 2014 hoda, vusnyja słuchańni byli zavieršany ŭ kastryčniku 2016 hoda.
«Hazprom» patrabavaŭ z «Naftahaza» 45 młrd dalaraŭ, «Naftahaz», u svaju čarhu, — 18 młrd dalaraŭ.
«Hazprom» chacieŭ, kab Ukraina spłaciła hrošy za parušeńnie schiemy «biary abo płaci», «Naftahaz» byŭ niazhodny z vystaŭlenymi cenami i patrabavaŭ viartańnia pierapłaty. Jakoje rašeńnie pa sumach spłaty pryniaŭ arbitraž, pakul niajasna, ale ŭ cełym jon paličyŭ abhruntavanymi pretenzii Ukrainy.
Prezident Ukrainy Piatro Parašenka i premjer krainy Uładzimir Hrojsman vykazali zadavolenaść rašeńniem arbitražu.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»22
Kamientary