Ułady ZŠA zaćvierdzili dadatak da ankiety dla suiskalnikaŭ ujaznych viz, u jakim, u liku inšych, jość pytańnie pra akaŭnty ŭ sacsietkach, paviedamlaje Reuters.
Dadatak zaćvierdžany administracyjna-biudžetnym upraŭleńniem administracyi prezidenta ZŠA 23 maja. Termin jaho dziejańnia - da 30 listapada 2017 hoda.
Akramia akaŭntaŭ u sacsietkach, jakija vykarystoŭvalisia za apošnija piać hadoŭ, u dadatku (uzor na sajcie ambasady ZŠA ŭ Turcyi), suiskalnika vizy mohuć spytać numary ŭsich raniej vydadzienych zamiežnych pašpartoŭ, a taksama ich padrabiaznuju bijahrafiju za 15 hadoŭ, u tym liku dadzienyja ab pracaŭładkavańni i pajezdkach u roznyja krainy śvietu.
Rašeńnie ab zapaŭnieńni dadatku prymaje supracoŭnik konsulskaha adździeła pasolstva na svajo mierkavańnie. Dadatkovyja pytańni mohuć być zadadzieny ŭ tym vypadku, kali takaja infarmacyja «patrebna dla paćvierdžańnia asoby abo dla praviadzieńnia pilnaj pravierki ŭ intaresach nacyjanalnaj biaśpieki», rastłumačyŭ Dziarždepartament.
Suiskalnik vizy nie abaviazany adkazvać na ŭsie pytańni ŭ dadatku da ankiety, adnak, jak ukazvajecca ŭ dakumiencie, admova ad pradastaŭleńnia infarmacyi moža zapavolić praces razhladu vizavaj zajavy abo admovie ŭ vizie.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary