U Partyzanskim rajonie z 12 červienia pačniecca hramadskaje abmierkavańnie horadabudaŭničaha prajekta detalovaha płanavańnia. Źmieny zakranuć terytoryi ŭ miežach vuł. — vuł. Frunzie — prasp. Niezaležnaści — vuł. Kazłova — vuł Płatonava — vuł. Čapajeva. Miascovym žycharam prapanujuć uchvalić budaŭnictva troch padziemnych parkinhaŭ, dziciačaha sadu i nadbudovu mansardnych pavierchaŭ u čatyroch žyłych damach, piša Tut.by.
Płošča ŭčastka, jaki ŭvajšoŭ u prajekt, — 55 hiektaraŭ. U płanach architektaraŭ — stvaryć spryjalnaje asiarodździe dla pražyvańnia i pracy. Vyrašać heta buduć nastupnym čynam: try stalinki ŭ zavułku Braniavym — 10, 12 i 13, a taksama dom u zavułku Vajskovym, 13, źbirajucca rekanstrujavać i nadbudavać pa paviersie.
Raniej žychary hetych damoŭ zhadžalisia: budynki patrabujuć ramontu. Ale voś ci ŭzraduje ich navina ciapier — nieviadoma. Bo ludzi čakajuć ramontu, a nie ŭščylnieńnia za košt mansardnych pavierchaŭ.
Horadabudaŭničy prajekt taksama praduhledžvaje budaŭnictva troch padziemnych parkinhaŭ, ahułam na 240 mašyna-miescaŭ, na vulicach Rumiancava, Zacharava i. Kazłova.
Taksama na vulicy Zacharava chočuć pabudavać dziciačy sadok na 50 miescaŭ.
Prezientacyja prajekta adbudziecca 14 červienia 2017 hoda ŭ 18.00 u aktavaj zale administracyi Partyzanskaha rajona na vulicy Zacharava, 53.
Z prajektnymi materyjałami pa abjekcie možna aznajomicca štodnia z 9.00 da 20.00, subota z 9.00 da 13.00 (akramia niadzieli) u pieryjad z 12 pa 26 červienia 2017 hoda ŭ faje budynka administracyi Partyzanskaha rajona h. Minska na vuł. Zacharava, 53.
Kamientary