U Biešankovickim rajonie zahinuŭ dvuchhadovy chłopčyk, śledčyja pravodziać pravierku.
Trahiedyja zdaryłasia 4 červienia ŭ vioscy Rubiež kala 17.30. Padčas prahułki z dvuchhadovym synam mama adłučyłasia ŭ dom pa sok dla dziciaci, pakinuŭšy taho adnaho. Inšych darosłych u hety čas doma nie było. Praz 10 chvilin mama viarnułasia, ale chłopčyka ŭ dvary nie znajšła. Da pošukaŭ padklučyłasia babula, jakaja ŭ toj čas pryjšła ad susiedki. Darosłyja vyśvietlili, što chłopčyk vyjšaŭ praź vieśnički za terytoryju dvara. Praź niekatory čas babula vyjaviła maleńkaha ŭnuka ŭ štučnym vadajomie kala doma. Daktary, što prybyli na miesca zdareńnia, kanstatavali śmierć chłopčyka.
Biešankovicki rajonny adździeł Śledčaha kamiteta pa hetym fakcie pravodzić pravierku.
Siamja charaktaryzujecca stanoŭča, u sacyjalna niebiaśpiečnym stanoviščy nie znachodzicca. Padčas ahladu śledčyja zafiksavali, što prydamavaja terytoryja abharodžana płotam, vieśnički začyniajucca na zapornuju pryładu, ale štučny vadajom, raźmieščany pobač z učastkam, maje svabodny dostup.
Śledčyja zaklikajuć baćkoŭ pastajanna sačyć za dziećmi, asabliva pablizu vadajomaŭ. Małaletnija zaŭsiody pavinny być pad kantrolem darosłych, pastajanna znachodzicca ŭ ich poli zroku.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary