Paŭnočnaja Kareja vyzvaliła amierykanskaha studenta Ota-Fryderyka Uormbira, asudžanaha na 15 hadoŭ za sprobu skraści ahitacyjny płakat, piša VVS.
«Pa ŭkazańni prezidenta Dziarždepartament damohsia vyzvaleńnia Ota Uormbira z Paŭnočnaj Karei. Mister Uormbir znachodzicca na šlachu ŭ ZŠA, dzie jon uźjadnajecca sa svajoj siamjoj», — paviedamiŭ dziaržsakratar ZŠA Reks Tylersan.
Jon taksama adznačyŭ, što Dziarždepartamient praciahvaje vieści pieramovy ab vyzvaleńni jašče traich hramadzian ZŠA, jakija zastajucca pad vartaj u Paŭnočnaj Karei.
Baćki Uormbira raspaviali Washington Post, što ich syn znachodzicca ŭ stanie komy. Siamji paviedamili, što nieŭzabavie paśla suda ŭ maładoha čałavieka dyjahnastavali batulizm. Pa słovach pradstaŭnikoŭ paŭnočnakarejskaha boku, Uormbir zapaŭ u komu, pryniaŭšy snatvornaje.
22-hadovy student Univiersiteta Virdžynii byŭ zatrymany ŭ KNDR u studzieni 2016 hoda. Ułady krainy abviaścili, što turyst ździejśniŭ «varožyja dziejańni», ale jakija mienavita, nie paviedamlałasia.
Na pres-kanfierencyi ŭ kancy lutaha Uormbir pryznaŭsia, što źniaŭ sa ściany hatela palityčny płakat i što jaho ŭčynak byŭ nakiravany na naniasieńnie škody matyvacyi naroda Paŭnočnaj Karei.
Na toj ža pres-kanfierencyi jon raspavioŭ, što zabraŭ płakat z palityčnym łozunham pa prośbie viernika svajoj carkvy. Pa słovach studenta, u abmien jamu prapanavali ŭžyvanuju mašynu koštam u 10 tysiač dalaraŭ.
Paŭnočnakarejskija ŭłady rehularna ładziać pastanovačnyja pres-kanfierencyi, na jakich aryštavanyja zamiežniki «pryznajucca» ŭ ciažkich złačynstvach suprać režymu. Ci było pryznańnie Uormbira ščyrym, nieviadoma.
U sakaviku 2016 hoda Uormbir byŭ prysudžany da 15 hadoŭ pracoŭnych łahieraŭ.
Zajavy ab vyzvaleńni Uormbira supali ź vizitam u KNDR amierykanskaha baskietbalista Denisa Rodmana. Vystupajučy pierad žurnalistami ŭ Piekinie, jon zajaviŭ, što vyzvaleńnie viaźniaŭ — «nie jaho meta ciapier». Rodman, jaki ličycca siabram paŭnočnakarejskaha lidera Kim Čen Yna, rehularna naviedvaje KNDR.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary