Słučak: Na Ahafonava reahavać nie budu, jość bolš važnyja spravy
Słaŭharadski juryst Arciom Ahafonaŭ, viadomy svaimi prarasijskimi pohladami, kinuŭ vyklik znanamu abaroncu biełaruskaj movy Iharu Słučaku.
«Biełorusskij jazyk — miortvyj. Hovoriu śpiecialno dla tiebia. Tiepieŕ poprobuj mienia zasudiť. Prinimaješ vyzov? Ili tolko protiv dietiej sposobien hierojstvovať?», — pravakuje Ahafonaŭ.
Treba skazać, jon nie pieršy. Raniej jašče adzin juryst Leanid Sudalenka zrabiŭ faktyčna toje ž samaje. Jany abodva ličać, što pryciahvać da adkaznaści padletka, jaki nazvaŭ biełaruskuju movu miortvaj, — hłupstva. Maŭlaŭ, niachaj Słučak pazmahajecca ŭ sudach ź imi — voś heta budzie hodna.
Praŭda, Ihar na pravakacyi reahavać nie źbirajecca.
«Heta ŭžo kamičnaja situacyja. Niachaj jany ŭžo adzinym frontam napišuć niejkuju zajavu. Mabyć, Ahafonavu chočacca padniać chajp u internecie na maim proźviščy», — kamientuje Ihar Słučak.
Aktyvist tłumačyć, što ciapier zaniaty bolš važnym pytańniem: prasoŭvaje źmieny ŭ Zakon «Ab abaronie pravoŭ spažyŭcoŭ», kab infarmacyja pra tavary i pasłuhi davodziłasia adnačasova na abiedźviuch dziaržaŭnych movach.
«Bolš za 20 deputataŭ padtrymlivajuć, u pryvatnaści, Kanapackaja i Anisim, mnohija vytvorcy taksama. Navat staršynia Pałaty pradstaŭnikoŭ vystupaje za pašyreńnie biełaruskaj movy, — kaža Ihar Słučak. — Ja ciapier pracuju z vytvorcami, deputatami.
Niama sensu reahavać na kožnaha, niachaj i miedyjnaha, ale šarahovaha jurysta, jaki kidaje pravakacyjnyja zajavy, kab padymać na hetym chajp. Tym bolš, ja biarusia ŭsio ž za precedentnyja vypadki: pieršy žurnalist, pieršaja dziaŭčyna, pieršy były milicyjant. Juryst u majoj praktycy ŭžo byŭ, tamu zajmacca Ahafonavym biessensoŭna. Pakul što niama niepaŭnahadovaha, niachaj Ahafonaŭ ci Sudalenka znojduć kaho ci paprosiać svaich dziaciej napisać, tady ja za ich vaźmusia».
Ihar dadaje, što Ahafonaŭ jašče moža atrymać svoj praces, kali za jaho voźmucca inšyja biełarusy.
Padletka, jaki nazvaŭ biełaruskuju movu «miortvaj», pryciahvać da adkaznaści nie buduć
Prakuratura na baku Słučaka: rajvykankamu daručyli padrychtavać spravu za abrazu movy padletkam
Ihar Słučak pasvaryŭsia z pałovaj internetu praz chvoraha padletka, jaki nazvaŭ biełaruskuju movu «miortvaj»
Ciapier čytajuć
Zatrymali adnaho z udzielnikaŭ juvielirnaha brenda Belaruskicry Jahora Bužyłava. Prapahandysty pakazali jaho5
Kamientary