Losavańnie hałoŭnaha kłubnaha futbolnaha turniru projdzie siońnia.
Vyznačylisia ŭsie ŭdzielniki asnoŭnaha raŭndu Lihi čempijonaŭ. Apošnimi kamandami, što prajšli kvalifikacyju, stali «Bienfika», «Karabach», «Bruhie» i «Kapienhahien».
U asnoŭnym raŭndzie zhulajuć 36 kłubaŭ:
«Livierpul», «Arsienał», «Mančester Sici», «Čełsi», «Totenchiem», «Ńjukasł», PSŽ, «Marsiel», «Manaka», «Barsiełona», «Reał», «Atletyka Madryd», «Atletyk Bilbaa», «Viljareał», «Bavaryja», «Bajer», «Ajntracht», «Barusija Dortmund», «Sportynh», «Junijon», «PSV», «Ajaks», «Alimpijakas», «Napali», «Inter», «Atałanta», «Juvientus», «Słavija Praha», «Hałatasaraj», «Kajrat», «Bude-Hlimt», «Pafas», «Karabach», «Bruhie», «Kapienhahien», «Bienfika».
Losavańnie hałoŭnaha kłubnaha futbolnaha turniru projdzie siońnia ŭ Manaka i pačniecca a 19-j pa minskim časie.
Jak i hod tamu, jano adbudziecca pa novaj sistemie, biez zvykłaha padziełu na hrupy, a kožny kłub atrymaje pa vosiem supiernikaŭ. Pieršy tur — 16-18 vieraśnia, apošni — 28 studzienia.
U kvalifikacyi Lihi čempijonaŭ brała ŭdzieł minskaje «Dynama», jakoje vylecieła ŭ druhim raŭndzie, prajhraŭšy bałharskamu «Łudahorcu», a potym i ź Lihi kanfierencyj, dvojčy sastupiŭšy ałbanskaj «Ehnacii».
U jeŭrakubkach zastaŭsia tolki «Nioman». Siońnia ŭ płej-of kvalifikacyi Lihi kanfierencyj haradziency zhulajuć ź ispanskaj «Raja Valjekana» (pieršy matč 0:1 na karyść ispancaŭ). Pačatak matča a 21-j.
Ciapier čytajuć
Aryštavali byłoha pamočnika Michaiła Miaśnikoviča5
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary