Kiraŭnik polskaj dypłamatyi zajaviŭ, što Polšča «adkrytaja dla imihrantaŭ». U intervju vydańniu Gazeta Polska Codziennie Vitald Vaščykoŭski adznačyŭ, što Polšča prymaje sotni tysiač imihrantaŭ z Ukrainy.
Na pytańnie ab sankcyjach, jakija Jeŭrapiejski sajuz moža ŭvieści ŭ dačynieńni da Polščy za admovu prymać biežancaŭ, Vaščykoŭski adkazaŭ, što heta vielmi dalokaja pierśpiektyva. Jon rastłumačyŭ, što padobnaje rašeńnie moža być pryniataje tolki pa zakančeńni šmathadovaj pracedury, tamu ŭ Polščy jość dastatkova času na arhumientacyju svajoj pazicyi, paviedamlaje Radyjo Polšča.
Pavodle Vaščykoŭskaha, ES pavinien pryniać da viedama toj fakt, što Polšča źjaŭlajecca fłanhavaj dziaržavaj, jakaja abaraniaje bolšuju častku miažy Supolnaści.
Kiraŭnik polskaj dypłamatyi adznačyŭ taksama, što jeŭrapiejskaje zakanadaŭstva nie praduhledžvaje sankcyj za admovu prymać biežancaŭ.
Nahadajem, 13 červienia Jeŭrapiejskaja kamisija inicyjavała štrafnuju praceduru ŭ dačynieńni da Polščy, Čechii i Vienhryi za admovu prymać mihrantaŭ.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju10
Kamientary