...baciuška Michaił klanie ŭsich troch imiom Hospada
baciuška Michaił abiacaje ŭsim haračyja pucioŭki ŭ Piekła
baciuška Michaił adčuvaje siabie śviatym damkratam —
jon biare za hrudki milicyjanta i ŭzdymaje jaho vyšej da Boha... Verlibr.
Siońnia, Boža, ikony tvaje śmiajalisia.
Pravasłaŭny baciuška Michaił Carkvy Troch Śviacicielaŭ
za styrnom u niećviarozym stanie spynieny supracoŭnikam DAI
(zusim jašče maładzieńkim, pa vajskovych paniatkach - ducham);
ź Leninskaha RUUSu - jak dobra, što jon niedaloka -
vyklikanaja na aśviedčańnie kamisija z dvuch milicyjantaŭ,
baćki i syna.
baciuška Michaił klanie ŭsich troch imiom Hospada
baciuška Michaił abiacaje ŭsim haračyja pucioŭki ŭ Piekła
baciuška Michaił adčuvaje siabie śviatym damkratam —
jon biare za hrudki milicyjanta i ŭzdymaje jaho vyšej da Boha
tamu składajecca ŭražańnie, što jon nia choča ŭ adździaleńnie
vializny śviatar trasie baradoj
bambiza-śviatar nie daje apranuć kajdanki
supracoŭnika carkvy ledź zapchnuli ŭ mašynu
urešcie jeduć
baciuška Michaił pryzvyčaiŭsia na piarednich miescach
baciuška Michaił adčuvaje niajomkaść
baciuška Michaił prasoŭvaje nahu ŭ piaredniuju častku mašyny
i piździć, piździć joj kiroŭcu i pasažyra-milicyjanta,
nialubych synoŭ pravasłaŭja, anafiemskich vyradkaŭ
mašyna spyniajecca
baciušku źviazvajuć nohi skuranym ramniom
mašyna jedzie da adździaleńnia
zrešty, toje, što było dalej, zrazumieła i niecikava
vobšuk, dopyt, składańnie aktaŭ
baćka, syn i duch-DAIšnik i ich adzinaja vola i sprava - luboŭ
i zvanok, kab chutčej prypyniali spravu i ŭsio zabyli, ad niekaha źvierchu
dziakuj, Boža, za ślozy ad śmiechu,
za žyćcio i luboŭ, za svabodu i praŭdu
za zvany Padnikolla i Carkvy Troch Śviacicielaŭ
za svoječasovyja telefanavańni źvierchu
* * *
Štodzionna ŭ rubrycy «Litaratura» na sajcie NN — novyja tvory. Čytajcie dla serca, čytajcie dla rozumu, čytajcie dla movy.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary