Try čverci nasielnictva płaniety sutykniecca sa śmiarotna niebiaśpiečnaj śpiakotaj u nastupnyja 80 hod
Da kanca XXI stahodździa try čverci nasielnictva płaniety sutykniecca sa śmiarotna niebiaśpiečnaj śpiakotaj. Pra daśledavańnie amierykanskich i brytanskich navukoŭcaŭ raspaviadaje The Independent.
Vyvučajučy roznyja navukovyja daśledavańni pa hłabalnym paciapleńni, śpiecyjalisty vyjavili bolš za 1900 miescaŭ na Ziamli, dzie ludzi zahinuli ŭ vyniku haračaha abo vilhotnaha nadvorja z 1980 hoda. Naprykład, u Maskvie ŭ 2010 hodzie zahinuła bolš za 10 800 čałaviek, a ŭ Paryžy ŭ 2003 hodzie — 4 900 čałaviek. Śpiakota ŭ Čykaha ŭ 1995 hodzie zabrała žyćci 740 čałaviek.
Kala traciny nasielnictva Ziamli ŭ 2000 hodzie praz uździejańnie haračaha klimatu na praciahu 20 dzion ci bolš padviarhalisia patencyjna śmiarotnym stanam, padsumavali śpiecyjalisty.
Jany papiaredzili, što hetaja ličba moža ŭzraści da 74% da kanca stahodździa, kali vykidy vuhlarodu praciahnucca na takich vysokich uzroŭniach. Navat samaja ahresiŭnaja prahrama pa skaračeńni vykidaŭ parnikovych hazaŭ źnizić hetuju imaviernaść tolki da 47% da 2100 hoda.
Miž tym klimat mianiajecca nastolki chutka, što ludzi naŭrad ci zmohuć vypracavać ŭstojlivaść da vysokich tempieratur. Antrapahiennaja dziejnaść źmianiaje klimat u 170 razoŭ chutčej, čym siły pryrody — heta pahibielna dla mnohich vidaŭ raślin i žyvioł, dadajuć śpiecyjalisty.
U vyniku da kanca stahodździa sa śmiarotnaj śpiakotaj sutykniecca bolš za pałovu nasielnictva płaniety. Najciažejšyja ŭmovy nadvorja, jak čakajecca, buduć u trapičnych rehijonach płaniety.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj80
Kamientary