Siejm Polščy pryniaŭ zakonaprajekt, jaki dazvalaje vykarystańnie marychuany ŭ miedycynskich metach. Sušanyja raśliny kanoplaŭ buduć impartavacca z-za miažy, preparaty na ich asnovie buduć vyrablacca ŭ aptekach, pacyjenty, u svaju čarhu, zmohuć atrymlivać ich pa recepcie lekara, paviedamlaje Radyjo Polšča.
Pierad hałasavańniem staršynia kamisii Siejma pa pytańniach achovy zdaroŭja ad partyi «Prava i spraviadlivaść» Tomaš Latas paviedamiŭ, što pacyjenty zmohuć vykarystoŭvać preparaty na asnovie kanoplaŭ užo na praciahu niekalkich miesiacaŭ paśla ŭstupleńnia zakonaprajekta ŭ siłu.
«Užo ciapier ja mahu zajavić, što na praciahu pieršych miesiacaŭ paśla ŭstupleńnia zakonaprajekta ŭ siłu naša kamisija razhledzić jaho praktyčny bok. Pakul što havorka idzie pra impart. Viadoma ž, u vypadku, kali ŭ budučyni budzie takaja nieabchodnaść, my hatovyja razhledzieć i inšyja padychody. My adkrytyja da hetaha. Pakul što, tym nie mienš, my pryjšli da vysnovy, što dastaŭka syraviny z-za miažy — heta samy biaśpiečny i chutki sposab», — adznačyŭ Tomaš Latos.
Za pryniaćcie papravak da zakona ab supraćdziejańni narkamanii prahałasavali 440 deputataŭ, dvoje byli suprać, adzin ustrymaŭsia.
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary