Сейм Польшчы прыняў законапраект, які дазваляе выкарыстанне марыхуаны ў медыцынскіх мэтах. Сушаныя расліны канопляў будуць імпартавацца з-за мяжы, прэпараты на іх аснове будуць вырабляцца ў аптэках, пацыенты, у сваю чаргу, змогуць атрымліваць іх па рэцэпце лекара, паведамляе Радыё Польшча.
Перад галасаваннем старшыня камісіі Сейма па пытаннях аховы здароўя ад партыі «Права і справядлівасць» Томаш Лятас паведаміў, што пацыенты змогуць выкарыстоўваць прэпараты на аснове канопляў ужо на працягу некалькіх месяцаў пасля ўступлення законапраекта ў сілу.
«Ужо цяпер я магу заявіць, што на працягу першых месяцаў пасля ўступлення законапраекта ў сілу наша камісія разгледзіць яго практычны бок. Пакуль што гаворка ідзе пра імпарт. Вядома ж, у выпадку, калі ў будучыні будзе такая неабходнасць, мы гатовыя разгледзець і іншыя падыходы. Мы адкрытыя да гэтага. Пакуль што, тым не менш, мы прыйшлі да высновы, што дастаўка сыравіны з-за мяжы — гэта самы бяспечны і хуткі спосаб», — адзначыў Томаш Лятос.
За прыняцце паправак да закона аб супрацьдзеянні наркаманіі прагаласавалі 440 дэпутатаў, двое былі супраць, адзін устрымаўся.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»5
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары