Vypadak u Hrodnie: aburanaj haradžancy nie spadabałasia, što žančyna ŭ ludnym miescy zaharała toples
U čaćvier ŭ adnoj z hrodzienskich supołak u sacyjalnych sietkach haradžanie burna abmiarkoŭvali temu, jak možna i jak nielha zaharać u horadzie. Padstavaj dla abmierkavańnia pasłužyła fatahrafija, vykładzienaja haradzienkaj, dzie było zafiksavana, jak adna z žančyn zaharała toples u ludnym miescy.
Paśla šmatlikich kamientaroŭ administracyja supołki vydaliła zapis, bo dyskusija pierajšła da asabistych abrazaŭ. A voś pytańnie, ci možna zaharać toples, zastałosia adkrytym.
Jak rastłumačyŭ aficyjny pradstaŭnik UUS Hrodzienskaha abłvykankama Jarasłaŭ Vasileŭski, pry ŭsioj pavazie da žadańnia pradstaŭnic słabaha połu zusim užo demanstratyŭna zaharać toples usio ž taki nie varta.
«Kali žančyna lažyć i prosta zaharaje pasiarod palany, udalečyni ad žyłoj zabudovy (mnohija tak robiać, da prykładu, kala lesaparku Pyški abo na vulicy Biełyja Rosy), i nie abražaje svaim vyhladam inšych ludziej i, viadoma ž, dziaciej, heta narmalna.
Kali ž znojducca abražanyja, jany mohuć źviarnucca ŭ milicyju, a supracoŭniki pravaachoŭnych orhanaŭ užo ŭ svaju čarhu praviaduć hutarku z hramadziankaj, jakaja zaharaje toples. U krajnim vypadku milicyjanty paprosiać pradstaŭnicu žanočaha połu apranucca abo pierajści ŭ inšaje miesca zaharać.
Varta adznačyć, što nijakich štrafaŭ abo inšych sankcyj za toje, što pradstaŭnicy žanočaha połu ŭ haradskoj prastory zaharali toples, u nas jašče nie było», — raspavioŭ Jarasłaŭ Vasileŭski.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak11
Kamientary