Śviedkam pa kryminalnych spravach daduć prava na advakata. Da hetaha jany mahli pryvodzić z saboj u sud tolki zakonnych pradstaŭnikoŭ. Siońnia deputaty prahałasavali za zakonaprajekt u pieršym čytańni. Jak čakajecca, norma stanie dadatkovaj abaronaj dla ŭsich udzielnikaŭ pracesu.
Na hety prabieł u zakanadaŭstvie źviarnuŭ uvahu Kanstytucyjny sud. Na dumku jurystaŭ, pakazańni śviedak słužać važnaj krynicaj dokazaŭ. U toj ža čas nievykanańnie imi norm zakanadaŭstva, pamyłki ŭ śviedčańniach mohuć dla ich samich paciahnuć kryminalnuju adkaznaść.
- Śledčyja orhany, jakija buduć vieści spravu, u prysutnaści advakata nie zmohuć akazvać maralnaje ci inšaje ŭździejańnie na śviedak. Takim čynam, źnizicca vierahodnaść, kali śviedka moža dać pakazańni, jakija nie buduć adpaviadać rečaisnaści ŭ siłu subjektyŭnych pryčyn, - skazaŭ ministr justycyi Aleh Śližeŭski, pradstaŭlajučy zakonaprajekt.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary