Viarchoŭny sud ZŠA pahadziŭsia razhladzieć apielacyju na rašeńni dvuch nižejstajačych sudoŭ, jakija zabłakavali ŭkazy prezidenta krainy Donalda Trampa ab zabaronie na ŭjezd u ZŠA z šaści blizkaŭschodnich krain, paviedamlaje VVS.
Adnačasova sud daŭ mahčymaść niekatorym pałažeńniam adnaho z hetych ukazaŭ častkova ŭstupić u siłu. U pryvatnaści, sud rastłumačyŭ, što ŭkaz ab abmiežavańni na ŭjezd nielha ŭžyvać da tych, u kaho jość daŭnija adnosiny ź ludźmi abo pradpryjemstvami ŭ ZŠA, ale možna da ŭsich astatnich.
Apielacyja na ŭkaz u cełym budzie razhledžanaja Viarchoŭnym sudom u kastryčniku. Pa vynikach jaje razhladu stanie jasna, ci budzie ŭ vyniku hety ŭkaz realizavany abo całkam admienieny. Sam fakt zhody suda razhladzieć apielacyju i dać chod niekatorym pałažeńniam ukaza prychilniki Trampa ŭspryniali jak pieramohu.
Havorka idzie ab tak zvanym druhim antymihracyjnym ukazie Trampa. Hety ŭkaz praduhledžvaŭ 90-dzionnuju zabaronu na ŭjezd u ZŠA dla hramadzian šaści blizkaŭschodnich dziaržaŭ, nasielenych pieravažna musulmanami, a taksama 120-dzionnuju zabaronu na pryjom uciekačoŭ u ZŠA.
«Druhi» ŭkaz byŭ padrychtavany i padpisany paśla taho, jak sudy prypynili dziejańnie papiaredniaha, pieršaha antymihracyjnaha ŭkaza padobnaha źmiestu. Jon byŭ padpisany Trampam u studzieni i praduhledžvaŭ nieadkładnaje ŭviadzieńnie zabarony na ŭjezd u ZŠA dla hramadzian siami krain.
Paśla błakavańnia pieršaha antymihracyjnaha ukaza Tramp, jaki abiacaŭ abmiežavać pryjom biežancaŭ i prytok musulman u krainu jašče ŭ chodzie pieradvybarnaj kampanii, padpisaŭ druhi ŭkaz z trochi bolš miakkimi farmuloŭkami, jaki tym nie mienš taksama byŭ zabłakavany sudami.
-
Iran atakavaŭ francuzskuju vajennuju bazu ŭ Abu-Dabi — adna z rakiet upała za niekalki mietraŭ ad kruiznaha łajniera z turystami
-
Nijakaha pałomnictva nieanacystaŭ: dom, dzie naradziŭsia Hitler, pieratvorać u palicejski ŭčastak i centr pravoŭ čałavieka
-
Zahinuŭ były prezident Irana Machmud Achmadziniežad
Kamientary