Udzielniki muzyčnaha prajektu «(Nie) rasstralanaja paezija» zapisali videazvarot, u jakim tłumačać čamu važna źviarnuć uvahu na paetaŭ 1930-ch hadoŭ.
Akute robiać pieśniaju vierš Anatola Volnaha «Ja ciabie pakachaŭ», Dzieciuki napisali muzyku na vierš Michasia Čarota, Vinsent abraŭ dla siabie vierš «Mietrapaliten» Ziamy Pivavarava, Lavon Volski pracuje z tvoram «Ty pomniš» Julija Taŭbina, Alaksandar Pamidoraŭ zaśpiavaje «Hultaja» Majsieja Kulbaka… Trek-list prajektu «(Nie) rasstralanaja paezija» hatovy, i pačałasia praca ŭ studyi.
Pieśni buduć prezientavanyja ŭ siecivie ŭvosień, a 29 kastryčnika ŭ kłubie «Briuhie» projdzie kancertnaja premjera — roŭna na 80-yja ŭhodki rasstrełu bolšaści paetaŭ-hierojaŭ prajektu.
«My majem cudoŭnuju mahčymaść zrabić tak, kab hałasy tych, chto byŭ biaźlitasna źniščany, zahučali iznoŭ i nabyli novuju moc», — kaža ŭdzielnica prajektu Kaciaryna Vadanosava, jakaja rychtuje pieśniu na słovy Alesia Dudara «Asypaje červień bieły sad».
Prajekt realizujecca dziakujučy padtrymcy słuchačoŭ. Na staroncy kampanii na Talaka.by sabrana sabrana 30% nieabchodnych srodkaŭ. Vyrašana praciahnuć jaje jašče na miesiac. Tych, chto padtrymaje prajekt «(Nie) rasstralanaja paezija» čakajuć zaprašalniki na kancertnuju premjeru, admysłova vydadzienyja z hetaj nahody «maŭklivyja knihi» z vyjavami i cytatami paetaŭ dy inšyja padarunki.
Akramia ŭłasna muzyčnaj častki, prajekt maje adukacyjny składnik.
Na vosień płanujecca praviadzieńnie adkrytych lekcyj pra litaraturu 1920-1930-ch. U Facebook zasnavanyja staronki kožnaha ź piśmieńnikaŭ-hierojaŭ prajektu, na jakich źmiaščajucca ich bijahrafii, fota, vieršy, uryŭki z tvoraŭ, uspaminy pra ich dy inšyja materyjały. (Spasyłki na ŭsie staronki)
Tych, chto padtrymaje prajekt «(Nie) rasstralanaja paezija» čakajuć zaprašalniki na kancertnuju premjeru, admysłova vydadzienyja z hetaj nahody «maŭklivyja knihi» z vyjavami i cytatami paetaŭ dy inšyja padarunki.
Padtrymać prajekt
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary