Biełaruski miedyk zahinuŭ na vajnie va Ukrainie. Doma ŭ jaho zastalisia 4 dziaciej
Bieraściejski dobraachvotnik Aleh Padaroŭski, jaki słužyŭ u bataljonie «Haśpitaljery», zahinuŭ ad chvarobaŭ i traŭmaŭ, atrymanych u časie bajavych dziejańniaŭ na Danbasie.
«Aleh zahinuŭ u kastryčniku (minułaha hoda) i pachavany ŭ Dniapry pobač z našymi bajcami-hierojami», — paviedamiła Radyjo Svaboda kamandzir bataljona «Haśpitaljery» Ukrainskaj dobraachvotnaj armii Jana Zinkievič. Pavodle jaje, Aleh Padaroŭski słužyŭ u bataljonie z 2014 hoda.
«Jon udaviec, u jaho zastalisia čaćviora dzietak, jakich ciapier dahladaje jahonaja maci ŭ Biełarusi», — dadała jana. «Aleh vyratavaŭ nie adnaho bajca i transpartavaŭ dziasiatki, vykonvaŭ abaviazki paramiedyka i kiroŭcy na pazicyjach u Šyrokinym», — paviedamiła Jana Zinkievič.
Kamandzir bataljona «Haśpitaljery» taksama dadała, što Aleh Padaroŭski zachvareŭ uvosień 2015 hoda. «My ŭvieś hety čas zmahalisia za jaho žyćcio, ale, na žal, chvaroba akazałasia macniejšaj», — raspaviadaje Jana Zinkievič.
Aleh Padaroŭski staŭ druhim biełarusam, jaki zahinuŭ na Danbasie.
U žniŭni 2015 hoda ŭ vyniku ciažkaha paranieńnia ŭ bai pad Biełakamienkaj na Danbasie paśla niekalkich tydniaŭ komy pamior były staršynia bieraściejskaj haradskoj arhanizacyi BCHD Aleś Čarkašyn. Jon vajavaŭ u składzie Dobraachvotnaha ŭkrainskaha korpusu «Pravy siektar» pad pazyŭnym «Taras».
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary