Pamior piśmieńnik Majkł Bond, aŭtar knih pra miedźviedziania Padynhtana
Anhlijski piśmieńnik i scenaryst Majkł Bond, aŭtar sieryi knih pra miedźviedziania Padynhtana, pamior va ŭzroście 91 hoda, paviedamlaje VVS.
Jak paviedamlaje jaho vydaviec Harper Collins, piśmieńnik pamior u svaim domie ŭ Łondanie paśla niepraciahłaj chvaroby.
Pisać apaviadańni Majkł Bond pačaŭ u 1945 hodzie, pieršaje ź ich było apublikavanaje ŭ časopisie London Opinion. Pieršuju svaju knihu piśmieńnik vydaŭ u 1958 hodzie, heta i byŭ apovied pra miedźviedziania Padynhtana. Tady Bond pracavaŭ teleapierataram na VVS.
Z tych časoŭ Bond napisaŭ jašče 19 knih pra Padynhtana.
U 1997 hodzie jon atrymaŭ Orden Brytanskaj impieryi za ŭkład u dziciačuju litaraturu.
Pieršaja kniha pra miedźviedziania Padynhtana była pierakładzienaja bolš čym na 30 moŭ śvietu. Jaje hieroj — miedźviedziania, jaki prypłyŭ z Drymučaha Pieru ŭ Anhliju. Jaho historyja pačynajecca na Padynhtanskim vakzale ŭ Łondanie, niedaloka ad jakoha doŭhi čas žyŭ sam Bond.
Miedźviedziania staić i čakaje, pakul chto-niebudź źviernie na jaho ŭvahu. Jaho zaŭvažajuć mister i misis Braŭn, jakija vyrašajuć zabrać jaho dadomu.
U radyjointervju VVS u śniežni 2014 hoda Majkł Bond raspavioŭ, što jon vyrašyŭ napisać apovied pra Padynhtana «prosta dla ŭłasnaha zadavalnieńnia». Viartajučysia dadomu napiaredadni Rastva 1956 hoda, jon zaŭvažyŭ u kramnaj vitrynie samotnaje plušavaje miedźviedziania i kupiŭ jaho dla svajoj žonki. Potym, siedziačy pierad pišučaj mašynkaj, jon hladzieŭ na miedźviedziania i staŭ prydumlać jaho historyju. Tak źjaviłasia «Miedźviedziania pa imi Padynhtan».
Apošni apovied z hetaj sieryi, «Zornaja hadzina Padynhtana», byŭ apublikavany ŭ krasaviku hetaha hoda. Heta kalekcyja listoŭ, adpraŭlenych miedźviedzianiom svajoj ciotcy Lusi ŭ Pieru.
Knižki pra Padynhtana razyšlisia pa śviecie ahulnym nakładam bolš za 35 młn asobnikaŭ.
U 1975 hodzie byŭ źniaty multyplikacyjny sieryjał pra miedźviedziania Padynhtana.
U 2014 hodzie režysiora Poł Kinh źniaŭ film «Pryhody Padynhtana», kasavyja zbory jakoha pieravysili 288 młn dalaraŭ.
U listapadzie 2017 hoda pavinien vyjści praciah hetaha filma.
Ciapier čytajuć
Ofis Cichanoŭskaj užo ad siońnia pačynaje pracu ŭ Varšavie27
Ofis Cichanoŭskaj užo ad siońnia pačynaje pracu ŭ Varšavie
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary