Biełaruś nieabchodna pieratvaryć u IT-krainu, adpaviednaja zadača ŭžo pastaŭlena. Pra heta Alaksandr Łukašenka zajaviŭ siońnia na plenarnym pasiadžeńni IV Forumu rehijonaŭ Biełarusi i Rasii, paviedamlaje pres-słužba prezidenta Biełarusi i BIEŁTA.
Kiraŭnik krainy ŭpeŭnieny, što biełaruska-rasijskija kantakty ŭ IT-śfiery mahli b raźvivacca bolš dynamična.
«Adznaču, što bolš dynamična mahli b raźvivacca kantakty ŭ halinie infarmacyjnych technałohij na ŭžo pakazaŭšych svaju efiektyŭnaść placoŭkach. Naprykład, na bazie šyroka viadomaha Parku vysokich technałohij u Minsku», — skazaŭ Alaksandr Łukašenka.
Kiraŭnik dziaržavy źviarnuŭ uvahu, što mabilnymi dadatkami kampanij — rezidentaŭ PVT siońnia karystajucca bolš za 1 młrd čałaviek u 193 krainach, zvyš 90% vyrablenaha ŭ Parku prahramnaha zabieśpiačeńnia idzie na ekspart u Rasiju i SND, krainy Zachodniaj Jeŭropy i ZŠA.
Jon taksama raspavioŭ, što pierad Biełaruśsiu staić zadača pieratvareńnia ŭ IT-krainu.
«My pierad saboj pastavili ambitnuju zadaču — pieratvaryć Biełaruś u IT-krainu. U bližejšy čas my prymiem pravavyja asnovy dla padobnaha raźvićcia situacyi ŭ Biełarusi», — skazaŭ Alaksandr Łukašenka.
Jon zaŭvažyŭ, što adpaviednyja dakumienty raspracoŭvalisia sumiesna biełaruskimi i rasijskimi śpiecyjalistami. Jany ŭžo «pradstaŭleny na razhlad u vyšejšy orhan ułady Biełarusi».
«Upeŭnieny, što heta budzie naš z vami ahulny prajekt i jon uniasie dastojny ŭkład u samyja sučasnyja napramki raźvićcia našaha hramadstva i ekanomiki», - padkreśliŭ kiraŭnik dziaržavy.
Nahadajem, raniej kiraŭnik Biełarusi anansavaŭ pryniaćcie kardynalnych mier pa raźvićci IT-industryi.
«U bližejšaj budučyni, litaralna hetym letam, našaj dziaržavaj buduć zrobleny kardynalnyja zachady pa raźvićci IT-industryi», — skazaŭ 27 červienia Alaksandr Łukašenka.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA15
Kamientary