«Adkazvaju vam na biełaruskaj movie, pierastupiŭšy praź siabie» — fiejeryčnaja pierapiska Słučaka i kiraŭnicy futbolnaha kłuba
Moŭny aktyvist Ihar Słučak praciahvaje pierapisku z administracyjami futbolnych kłubaŭ, zaklikajučy ich vykarystoŭvać u pracy kłuba biełaruskuju movu.
Adznačym, što hetyja zakliki prynosiać plon — bolš za pałovu kamand Vyšejšaj lihi ciapier prynamsi pišuć proźviščy futbalistaŭ pa-biełarusku, niekatoryja pravodziać tranślacyi na rodnaj movie.
Adnak supracoŭnictva ź niekatorymi kłubami nijak nie naładžvajecca. Adzin z prykładaŭ — mikaševicki «Hranit», jaki letaś vylecieŭ z Vyšejšaj lihi. Na staršyniu rady «Hranita», kolišniuju pres-sakratarku kłuba Marynu Bystruju ŭžo składali pratakoł za admovu adkazvać Słučaku na biełaruskaj movie. Tym časam pierapiska praciahvajecca. Moŭny aktyvist apublikavaŭ u fejsbuku śviežy adkaz — adznačym, što ŭsio ž pa-biełarusku.
Praŭda, cytaty ź lista možna vykarystoŭvać jak antyprykłady dziełavoj pierapiski:
«Vy vielmi rana zrabili dla siabie niejkija vysnovy, atrymaŭšy adkaz ad nas na biełaruskaj movie. Maje adkazy na biełaruskaj movie nie dajuć vam padstavy rabić svaje niedalokija vysnovy. Adkazvaju na biełaruskaj movie, dy i naohuł, adkazvaju vam, možna skazać, pierastupiŭšy praź siabie i tolki z hłybokaj pavahi da słužbovych asob dziaržaŭnych orhanaŭ, jakija vy ŭ pramym sensie hetaha słova svaimi listami dastajacie i budziecie dastavać, kali ja vam nie adkažu na biełaruskaj movie», — pryznajecca Maryna Bystraja.
«Vy zajmajeciesia nikomu nie patrebnaj spravaj, nie treba zdavacca razumniejšym, čym vy jość na samaj spravie. Da razumnaha čałavieka vam jašče vielmi daloka. … Pakul ža ŭ vašych listach adlustravańnie čałavieka, jaki maje ŭzrovień raźvićcia dziciačy sad jasielnaja hrupa», — padsumoŭvaje staršynia rady «Hranita».
-
«Biełavija» admianiła rejs u Tel-Aviŭ. A ŭ Dochu adpraviać pusty samalot, jaki zabiare biełaruskich turystaŭ
-
Ruku minčanki zaciahnuła ŭ ciestaraskatvałku: vyzvalać žančynu daviałosia z dapamohaj bienzareza
-
Zamiest štrafu za samahon — kryminalnaja sprava: na Słuččynie žančyna raśpichała chabar pa kišeniach učastkovym pakul jaje zdymali na kamieru
Kamientary