Staršynia Savieta respubliki Michaił Miaśnikovič i kiraŭnik Raśsielhasnahladu Siarhiej Dankviert abmierkavali situacyju z abmiežavańniami pastavak biełaruskaj pradukcyi na rasijski rynak. Pra heta Michaił Miaśnikovič paviedamiŭ u intervju prahramie «Kontury» ŭ efiry telekanała ANT.
Sustreča Miaśnikoviča i Dankvierta adbyłasia 30 červienia na palach Vyšejšaj dziaržaŭnaj rady sajuznaj dziaržavy.
«Jon u niejkaj stupieni pryznaje, što dzieści «u nierat» trapili nie zusim tyja, što kali vyjaŭlali tych, chto pracuje nie zusim sumlenna i prystojna, za kampaniju trapili i tyja, chto nie dapuskaŭ parušeńniaŭ», - raspavioŭ staršynia Savieta respubliki.
Michaił Miaśnikovič u hutarcy z Dankviertam źviarnuŭ uvahu na nieabchodnaść apieratyŭnaj likvidacyi abmiežavalnych mier u dačynieńni da pradpryjemstvaŭ, jakija nie dapuskali parušeńniaŭ. Pry hetym śpikier padkreśliŭ, što dziejučaja sistema dazvalaje heta rabić.
Pa słovach Miaśnikoviča, Dankviert pahadziŭsia z tym, što razhlad dakumientaŭ, jakija nakiroŭvaje biełaruski bok Raśsielhasnahladu, časam mocna zaciahvajecca. «Jon pahadziŭsia, što dakumienty, jakija pradjaŭlaje biełaruski bok u paćviardžeńnie jakasnych tavaraŭ, usio-tki rasiejskim bokam razhladajucca zanadta doŭha i abiacaŭ pryniać adpaviednaje rašeńnie», - raskazaŭ Michaił Miaśnikovič.
Jon taksama padkreśliŭ, što nie ŭsio vyrašaje vyklučna kiraŭnik, pavinna pracavać sistema. Adkazvajučy na pytańnie, ci mahčymy pryjezd Dankvierta ŭ Biełaruś u bližejšy čas, Michaił Miaśnikovič adznačyŭ, što hetaje pytańnie abmiarkoŭvałasia. «Ja jamu skazaŭ, pryjazdžajcie, nia bojciesia, nichto vas čapać nie budzie», - raspavioŭ śpikier.
Kamientary