Kolkaść tych, chto pryjechaŭ na pracu ŭ Biełaruś, praciahvaje skaračacca: za šeść miesiacaŭ u nas pracaŭładkavana na 2,5 tysiačy zamiežnikaŭ mienš, kali paraŭnoŭvać z anałahičnym pieryjadam minułaha hoda. Pry hetym bolš za 11 tysiač biełarusaŭ sioleta źjechali za miažu pracavać pa damovach i kantraktach, analizuje tut.by statystyku Departamienta pa hramadzianstvie i mihracyi MUS, - i heta amal na 1,2 tysiačy čałaviek bolš, čym za toj ža pieryjad minułaha hoda.
Zarablać za miažoj ad studzienia da červienia hetaha hoda navažylisia 5018 biełarusaŭ. Čaściej za ŭsio jany źjazdžali ŭ Rasiju: za šeść miesiacaŭ takich było 2991 čałaviek. 1119 uładkavalisia na pracu ŭ Polščy, a 432 - u ZŠA. Kali ŭ Rasiei i Polščy biełarusy čaściej zapatrabavanyja jak pradstaŭniki pracoŭnych śpiecyjalnaściaŭ (2602 i 1087), dyk u ZŠA, jak praviła, źjazdžajuć, kab stać rabotnikami śfiery absłuhoŭvańnia i handlu (427). Kiraŭnikoŭ ź liku biełarusaŭ, jakija atrymali pracu za miažoj, tolki 14. Usie jany pracaŭładkavalisia ŭ Rasii. Šukajuć pracu za miažoj čaściej za ŭsio minčuki i žychary Mahiloŭskaj vobłaści.
Ad studzienia da červienia ŭ Biełarusi atrymali pracu 8627 inšaziemcaŭ z 74 krain. Bolš za ŭsio siarod ich kitajcaŭ (3086), ukraincaŭ (2339) i rasijan (1222). Chapaje pryjezdžych z Uźbiekistana (250), Armienii (196), Azierbajdžana (164) i Litvy (160). Z Šviejcaryi, Nihieryi, Livii i Kuby — pa adnym čałavieku. Biez uliku hramadzian JEAES, lidzirujuć siarod imihrantaŭ pradstaŭniki pracoŭnych śpiecyjalnaściaŭ (3491), a taksama kvalifikavanyja rabotniki i śpiecyjalisty (2130). Mienš za ŭsio - zaniatych u sielskaj haspadarcy (374).
Ciapier čytajuć
«Biełarusy dastatkova mudryja, kab čakać». Sieviaryniec vystupiŭ u Vilni3
Kamientary