Pa padazreńni ŭ machlarstvie ŭ asabliva bujnym pamiery zatrymanaja dyrektarka TAA «Kalipsa Tur», paviedamiła BIEŁTA aficyjny pradstaŭnik Śledčaha kamiteta Biełarusi Julija Hančarova.
Pavodle papiaredniaj infarmacyi, u vyniku manipulacyj z prodažam turaŭ žančyna zavałodała hrašyma hramadzian. U dadzieny momant z zatrymanaj pracujuć staličnyja śledčyja. Raspačataja kryminalnaja sprava pa č. 4 art. 209 KK RB pa materyjałach Kastryčnickaha RUUS Minska.
Jak prainfarmavała aficyjny pradstaŭnik Kastryčnickaha RUUS Minska Evielina Markoŭskaja, dyrektarcy turfirmy pahražaje pazbaŭleńnie voli na termin ad troch da dziesiaci hadoŭ z kanfiskacyjaj majomaści.
Milicyja pa-raniejšamu prymaje zajavy ad paciarpiełych. Tych, chto zaklučaŭ dahavor ab akazańni turystyčnych pasłuh z TAA «Kalipsa Tur» i IP «Borzdy Je. H.» (i abaviazacielstvy nie byli vykananyja) albo unosiŭ pieradapłatu, pravaachoŭniki prosiać źviartacca ŭ Kastryčnickaje RUUS pa telefonach 8(017) 239-64-73, 8(017) 226-21-05, 8(029) 562-76-93. «Na dadzieny momant źviarnulisia 82 paciarpiełyja (heta niepasredna tyja ludzi, jakija zaklučali damovy z hetaj firmaj), a taksama try jurydyčnyja asoby. Suma škody skłała bolš za 230 tysiač rubleŭ», - adznačyła Evielina Markoŭskaja.
Jak paviedamlałasia, u pačatku lipienia Kastryčnickaje RUUS stalicy źviarnulisia hramadzianie i paviedamili ab tym, što TAA «Kalipsa Tur» i IP «Borzdy Je. H.» akazvajuć niajakasnyja turpasłuhi ŭ vyhladzie pajezdak u Ispaniju, Hrecyju, Jehipiet, Turcyju, Čechiju, Bałharyju i Kipr. Byli zafiksavanyja vypadki nieakazańnia padobnych pasłuh.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary