Na dumku ministra nacyjanalnaj abarony Polščy Antoni Maciareviča, Hiermanija pavinna vypłacić Polščy vajennyja reparacyi za naniesienuju materyjalnuju škodu i złačynstvy suprać polskaha naroda, učynienyja ŭ 1939-1945 hh., paviedamlaje Radyjo Polšča.
U intervju telekanału TVPInfo ministr Maciarevič padkreśliŭ, što polskaja dziaržava de-fakta nikoli nie admoviłasia ad pretenzij na adras Hiermanii, jakaja raspačała 1 vieraśnia 1939 hoda vajennuju ahresiju suprać Polščy, a zatym na praciahu amal 5 hadoŭ akupavała polskija terytoryi.
«Heta niapraŭda, što polskaja dziaržava admoviłasia ad naležnych joj niamieckich vajennych reparacyj. Heta savieckaja kałonija, nazvanaja Polskaj Narodnaj Respublikaj, admoviłasia ad častki reparacyj, źviazanych z taksama maryjanietkavaj dziaržavaj pad nazvaj Hiermanskaja Demakratyčnaja Respublika. Darečy, hety akt nikoli nie atrymaŭ farmalna-jurydyčnaha afarmleńnia, a chutčej nasiŭ palityčny i publicystyčny charaktar», — adznačyŭ u efiry polskaha TB ministr nacyjanalnaj abarony.
Miž tym, deputat ad kirujučaj partyi Prava i Spraviadlivaść Arkadyjuš Mularčyk paviedamiŭ, što Biuro jurydyčnych analizaŭ polskaha Siejma ŭ bližejšyja dni apublikuje dakład mižnarodna-pravavych abhruntavańniaŭ mahčymych aficyjnych pretenzij Polščy ŭ adnosinach da Hiermanii.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam5
Kamientary