Udzielnikam niamieckahahurta Scooter, jakija 4 žniŭnia prylacieli ŭ anieksavany Krym, tym samym parušyŭšy zakon Ukrainy, pahražaje da 8 hadoŭ pazbaŭleńnia voli. Pra heta Krym.Realiiraspaviała pres-sakratar prakuratury Aŭtanomnaj Respubliki Krym Taćciana Cichončyk.
«Pa zvarocie narodnaha deputata Viarchoŭnaj Rady Ukrainy Dźmitryja Biełacarkoŭca ab parušeńni patrabavańniaŭ ukrainskaha zakanadaŭstva kalektyvam niamieckaj hrupy Scooter, prakuraturaj Aŭtanomnaj Respubliki Krym uniesienyja źviestki ŭ Adziny rejestr dasudovych rasśledavańniaŭ pa art. 332-1 KK Ukrainy pa fakcie parušeńnia zamiežnikami paradku ŭjezdu na časova akupavanuju terytoryju Ukrainy i vyjezdu ź jaje (da 8 hadoŭ pazbaŭleńnia svabody)», — raspaviała pres-sakratar.
Pa słovach pradstaŭnika viedamstva, prakuratura nakiruje zapyty ŭ kampietentnyja orhany Hiermanii ab pradastaŭleńni mižnarodnaj pravavoj dapamohi, kab ažyćciavić dopyt udzielnikaŭ hrupy.
U kancy červienia ambasadar Ukrainy ŭ Hiermanii Andrej Mielnik sustrakaŭsia ŭ Hamburhu ź mieniedžaram niamieckaj hrupy Scooter, kab adhavaryć muzykaŭ ad vystupu u anieksavanym Krymie.
Niahledziačy na heta, muzyki Scooter prybyli ŭ Krym, kab vystupić na muzyčnym fiestyvali ZBFest ŭ Bałakłavie.
17 červienia sakratar kamiteta pa pytańniach nacyjanalnaj biaśpieki i abarony Viarchoŭnaj Rady Ukrainy, narodny deputat Ivan Vińnik zajaviŭ, što Scooter zabaroniać ujezd va Ukrainu, kali muzykanty adpraviacca ŭ anieksavany Krym praz Maskvu.
Frantmen Scooter Ejč Pi Bakster raniej zajaviŭ u kamientary infarmahienctvu dpa, što hurt bačyć va ŭdziele ŭ fiestyvali «vyklučna muzyčnuju padzieju».
Kamientary