Akcyju pad takoj nazvaj anansuje časopis Arche.
»Kožny čałaviek, jaki žyvie ŭ Biełarusi, raniej ci paźniej zadajecca pytańniem: jak i kali stałasia, što nasielniki hetaj ziamli pačali zvać siabie biełarusami? — havorycca ŭ redakcyjnym zvarocie. —
Samyja dapytlivyja cikaviacca, jakija formy nacyjanalnaj identyfikacyi byli zadoŭha da tych, jak pajaviŭsia pieršy biełarus? Kali paŭstała biełaruskaja nacyja? Jakija jašče nacyjanalnyja prajekty bytavali na našych ziemlach? Chto staić za vynachodam i pašyreńniem biełaruskaj identyčnaści? Ad čaho viadziecca biełaruskaja dziaržaŭnaść — balšavickaj revalucyi ci tradycyj, zakładzienych jašče ŭ časy Rečy Paspalitaj i Vialikaha Kniastva Litoŭskaha? A moža — Kijeŭskaj Rusi ci Połackaha kniastva?
U adkaz na hetyja pytańni možna pačuć biazładnuju kakafoniju, bo rej časta viaduć šarłatany ad navuki abo ideołahi-prapahandysty. Pazicyja sumlennych i kvalifikavanych navukoŭcaŭ-prafiesijanałaŭ niaredka zatušoŭvajecca, bo ich padychody nie kładucca ŭ prakrustava łoža ideałohii aŭtarytarnaj dziaržavy abo histaryčnych mifałohij, zasvojenych masavaj śviadomaściu.
Vydańni z novaj akcyi Arche buduć sapraŭdnym adkryćciom dla tych, chto miarkuje, što pačatki biełaruskaj nacyi i dziaržavy dahetul achutany smuhoj zahadkavaści i niapeŭnaści. Našy publikacyi dazvalajuć z maksimalnaj dakładnaściu prasačyć, u jakim hodzie i ŭ jakim miescy pajaviŭsia pieršy ŭ historyi biełarus, u jakim hodzie i ŭ jakim dakumiencie pieršy raz zhadvajecca «Biełaja Ruś» abo jakija sacyjalnyja prasłojki i kanały pašyreńnia byli klučavymi dla pašyreńnia rańniaha biełaruskaha nacyjanalizmu».
U miežach akcyi prapanujucca 19 vydańniaŭ — 10 papiarovych i 9 elektronnych. Ich poŭny śpis, a taksama infarmacyja, jak ich zdabyć, jość na sajcie Arche.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary