Minadukacyi Tadžykistana zabaraniła školnicam nasić chidžab, a školnikam - baradu, pieradajuć infarmahienctvy sa spasyłkaj na sajt viedamstva.
«Školnicam Tadžykistana ŭ pieryjad znachodžańnia ŭ škołach zabaraniajecca našeńnie chidžabaŭ, vuzkich, padranych džynsaŭ, mini i vuzkich spadnic, našeńnie bolš za adnu zavušnicu na vušach, jarkaha abo kidkaha makijažu. Školnikam nie dazvalajecca našeńnie barod i doŭhich vałasoŭ, zavušnic, doŭhich paznohciaŭ, piarścionkaŭ, našeńnie džynsaŭ im dazvalajecca tolki ŭ zimovy siezon «, — havorycca ŭ paviedamleńni.
Jak udakładniaje ahienctva, Minadukacyi taksama zabaraniła navučencam škoł mieć tatuiroŭki, nasić futbołki z rekłamnymi nadpisami i malunkami dziaržaŭnaj simvoliki inšych krain. Nielha budzie prychodzić na zaniatki ŭ spartyŭnaj adziežy, za vyklučeńniem urokaŭ fizkultury.
Minadukacyi rekamiendavała taksama kuplać školnuju formu ŭ ajčynnych vytvorcaŭ, adnak heta, jak udakładniaje ahienctva, nie maje abaviazkovaha charaktaru.
Kamientary