MUS asprečvaje rašeńnie suda ab vypłacie kampiensacyi svajakam Ihara Pcičkina, jaki zahinuŭ u SIZA
Ministerstva ŭnutranych spraŭ Biełarusi źviarnułasia za tłumačeńniami ŭ sud Zavodskaha rajona Minska nakont vykanańnia sudovaha rašeńnia pa spravie ab kampiensacyi maralnaj i materyjalnaj škody ŭ spravie siamji Ihara Pcičkina, jaki zahinuŭ u SIZA № 1.
«Płanam rachunkaŭ Ministerstva ŭnutranych spraŭ Respubliki Biełaruś nie praduhledžanyja vypłaty na vykanańni rašeńniaŭ sudoŭ u častcy pakryćcia hramadzianam pryčynienaj škody. Adpaviednaha biudžetnaha finansavańnia ministerstva nie atrymlivaje», — paviedamlajecca ŭ liście MUS.
Sud Zavodskaha rajona 23 sakavika pastanaviŭ spahnać ź Ministerstva ŭnutranych spraŭ 30 tysiač rubloŭ maralnaj i jašče 6 tysiač rubloŭ materyjalnaj kampiensacyi na karyść maci i siastry zahinułaha ŭ SIZA Ihara Pcičkina.
Sudovaje rašeńnie ŭstupiła ŭ siłu, adnak dahetul maci i siastra Pcičkina nie atrymali nivodnaha rubla kampiensacyi. MUS pa-raniejšamu vykarystoŭvaje roznyja začepki, kab admovicca,paviedamlajuć pravaabaroncy-viasnoŭcy.
Žanna Pcičkina z dapamohaj pravaabaroncaŭ sprabuje vyrašyć prablemnuju situacyju i prymusić milicejskaje viedamstva vykanać abaviazalnictvy, uskładzienyja na jaho ŭ sudovym paradku.
Žychar Minska Ihar Pcičkin pamior 4 žniŭnia 2013 hoda praź niekalki dzion adsidki na «Vaładarcy», dzie adbyvaŭ 3 miesiacy aryštu za toje, što kiravaŭ aŭtamabilem, nie majučy pravoŭ. U miedčastcy ŭstanovy da jaho byli ŭžytyja «miery fizičnaha strymlivańnia ŭ vyhladzie fiksacyi ramianiami». U takim stanie Pcičkin znachodziŭsia bolš za 20 hadzin da momantu śmierci. Administracyja izalatara zajaviła, što małady čałaviek pamior ad sardečnaj chvaroby, ale svajaki vyjavili na ciele siniaki i ślady paškodžańniaŭ.
-
Pačobut nie staŭ razmaŭlać z šaściorkami — ni z Pratasievičam, ni z Vaskrasienskim
-
Vaskrasienski: Azotnyja ŭhnajeńni i sankcyi ŭ adnosinach fiz– i jurasobaŭ — i 1135 palitviaźniaŭ buduć u Vilni
-
«Pryvieźli maju žonku i skazali, što jaje buduć katavać». Para z Ukrainy raskazała žachlivuju historyju pieraśledu ŭ Biełarusi
Kamientary