Staŭku pieršaha razradu płanujecca pavysić u Biełarusi ŭ bližejšy čas.
Pra heta paviedamiŭ siońnia žurnalistam premjer-ministr Andrej Kabiakoŭ pa vynikach narady ŭ kiraŭnika dziaržavy, piša BiełTA.
«Z ulikam aptymizacyi, jakaja prachodziła ŭ orhanach dziaržkiravańnia i siłavym błoku, pracy pa źnižeńni vydatkaŭ u biudžetnaj śfiery ŭ cełym padrychtavany prapanovy ŭrada. Dumaju, u bližejšy čas prezident ich razhledzić i budzie pryniata rašeńnie pa pavyšeńni taryfnaj staŭki pieršaha razradu. Ličby pakul ahučvać nie budu. Ale, dumaju, litaralna dzień-dva — i takoje rašeńnie budzie pryniata», - skazaŭ Andrej Kabiakoŭ.
Z 1 studzienia pamier staŭki pieršaha razradu składaje 31 rubli.
Pamier taryfnaj staŭki pieršaha razradu ŭličvajecca pry naličeńni zarobku rabotnikaŭ biudžetnaj śfiery i pryroŭnienych da ich rabotnikaŭ. Kožnaj peŭnaj prafiesii i kvalifikacyi ŭ Adzinaj taryfnaj sietcy prysvojeny peŭny razrad, a razradu adpaviadaje kaeficyjent, jaki razam z taryfnaj staŭkaj pieršaha razradu słužyć padstavaj dla vyznačeńnia pamieru zarobku kankretnaha rabotnika.
Kamientary