U Kosavie palicyjaj 23 žniŭnia zatrymany hramadzianin Łatvii Juryj Alaksiejeŭ. Jon viadomy tym, što źjaŭlajecca stvaralnikam sajta Imhoclub, jaki na siońnia pracuje ŭ Łatvii i Biełarusi. Redaktaram biełaruskaj viersii źjaŭlajecca prarasijski publicyst Alaksiej Dzierman.
Da dziejnaści Juryja Alaksiejeva nieadnarazova intaresy prajaŭlali śpiecsłužby Estonii. Isnujuć viersii, što Imhoclub finansujecca z Rasii. Sam Alaksiejeŭ viadomy svaimi vykazvańniami kštałtu: «Va Ukrainie i Łatvii nie isnuje nacyjanalizmu, jość tolki dziki nacyzm».
Pryjazdžaŭ Juryj Alaksiejeŭ i ŭ Biełaruś, dzie śviaciŭsia ŭ kampanii Alaksieja Dziermana, Piatra Piatroŭskaha, Vadzima Hihina, Valancina Staryčonka i inšych.
Razam z Alaksiejevym zatrymali dvaich hramadzian Estonii — Radzivona i Vieru Dzianisavych. Ich usich padazrajuć u «tajnych dziejańniach suprać Kosava».
Ciapier žurnalistaŭ pavinny departavać na terytoryju Sierbii. Sam Alaksiejeŭ aktyŭna aśviatlaŭ svaju pajezdku na Bałkany na staronkach u fejsbuku. Naprykład, jon pisaŭ, što ŭ Sierbii ŭsie lubiać ruskich, a voś u Kosavie razmaŭlać pa-rusku nie rekamiendujecca.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ55
Kamientary