Jašče adzin jeŭrapiejski servis zakryvaje rachunki biełarusam biez DNŽ
Jeŭrapiejski finansavy servis Wise pačaŭ zakryvać rachunki dla hramadzian Biełarusi i Rasii, jakija adkryvali ich na padstavie pracoŭnaj vizy typu D, paviedamlaje telehram-kanał Infotrans Media Belarus.
Karystalniki atrymali paviedamleńni z patrabavańniem padać dadatkovyja dakumienty — dazvoł na žycharstva ŭ luboj krainie ES.
Raniej dla adkryćcia karty było dastatkova mieć nacyjanalnuju vizu D, što davała prava žyć i pracavać u Jeŭropie da hoda, ale ciapier hetaha ŭžo niedastatkova.
Wise staŭ užo trecim bankam paśla Paysera i Revolut, jaki bolš nie absłuhoŭvaje biełarusaŭ i rasijan z pracoŭnymi vizami. Ciapier, kab adkryć abo zachavać jeŭrapiejski rachunak, patrabujecca aficyjny DNŽ.
Pavodle ekśpiertaŭ, takija miery źviazanyja z uzmacnieńniem sankcyj suprać Biełarusi i Rasii, a taksama stracham bankaŭ atrymać štrafy za mahčymyja parušeńni sankcyjnaha zakanadaŭstva.
Karystalniki, jakija ŭžo majuć karty Wise na padstavie vizy D, taksama pavinny padać DNŽ, kab praciahvać karystacca servisam.
Kamientary
Wise eto nie bank, eto płatiežnaja sistiema. Oni priviazyvajut siebia k sčietu v jevropiejskim bankie(po miestu riehistracii klijenta), kotoryj skorieje vsieho po riekomiendacii śpiecsłužb stał ohraničivať dostup do siervisa biełarusam s vizami.