Ciaham amal troch miesiacaŭ u mienskaj kniharni «Łohvinaŭ» projduć adkrytyja lekcyi, pryśviečanyja biełaruskim piśmieńnikam, jakija stali hierojami prajektu «(Nie) rasstralanaja paezija», a 29 kastryčnika ŭ kłubie «Briuhhie» adbudziecca kancertnaja prezientacyja albomu na ich vieršy.
Usiaho zapłanavanaja 12 adkrytych lekcyjaŭ, jakija pračytajuć znaŭcy biełaruskaj litaratury: Andrej Chadanovič, Viktar Žybul, Hanna Sieviaryniec, Anton Rudak, Volf Rubinčyk i Alaksiej Strelnikaŭ. Płanujecca taksama, što ŭ lekcyjach voźmuć udzieł muzyki, jakija prezientujuć u akustyčnym farmacie pieśni, napisanyja ŭ miežach prajektu «(Nie) rasstralanaja paezija».
Lekcyi buduć prachodzić štotydnia ad 1 vieraśnia da 16 listapada. Uvachod volny. Pieršaj budzie impreza, pryśviečanaja Juliju Taŭbinu. Lektar Andrej Chadanovič nastolki začaravaŭsia jahonaj paezijaj, što vyrašyŭ ukłaści knihu, jakaja budzie prezientavanaja ŭ hety ž viečar. Zbornik zaviecca «Juli Taŭbin. Vybranaje», u jaho ŭvajšli najlepšyja tvory z usich pryžyćciovych zbornikaŭ paeta, niekalki vieršaŭ, što nikoli nie drukavalisia ŭ jahonych knihach, a taksama bliskučyja pierakłady Henrycha Hajne.
Na lekcyjach taksama buduć prezientavanyja «maŭklivyja knihi» — natatniki-piesieńniki z vyjavami paetaŭ, jakija zrabiła dyzajnierka Kaciaryna Pikirenia.
Kamientary