21 vieraśnia ŭ Prime Hall adbudziecca pieršy za 7 hod vialiki solny kancert Lavona Volskaha ŭ Minsku. Prodaž kvitkoŭ pačaŭsia siońnia apoŭdni — za pieršuju hadzinu pajšło bolš za 500 asobnikaŭ.
— Hety kancert doŭhačakanaja padzieja dla ŭsich prychilnikaŭ Lavona Volskaha. Tamu ja nie baču ŭ takim ažyjatažy ničoha dziŭnaha, — prakamientavaŭ arhanizatar mierapryjemstva Uładzimir Płavinski.
«Biełaja jabłynia hromu» — znakavaja praca Volskaha na vieršy biełaruskich kłasikaŭ. Dysk byŭ vydadzieny ŭviasnu 2010, byŭ pradstaŭleny na kancertach u Minsku i na feście Be2gether u Litvie. Paśla jaho i pačałasia paŭza ŭ vialikich vystupach muzyki na radzimie — pasłuchać Volskaha nažyva možna było tolki na nievialikich napaŭdapolnych imprezach.
— Vystupy ŭ Minsku zaŭždy asablivyja i asabistyja. Budziem hrać «Biełuju jabłyniu hromu» i najlepšyja pieśni roznych časoŭ — dva vialikija adździaleńni, — apisaŭ kancert Lavon Volski na svajoj staroncy ŭ Facebook.
Kvitki na kancert pa 30 rubloŭ užo razabrali, tancplac zaraz startuje ad 35 rubloŭ. Siadziačyja miescy: ad 40 da 48 rub. Prodaž adbyvajecca praz kasy i sistemu Kvitki.by, sajt Primehall.by i kasy Prime Hall (HC «Zamak»). Infalinija (033) 661 14 32.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii7
Kamientary