Alaksandr Łukašenka ŭ apošni dzień leta zrabiŭ adno važnaje kadravaje pryznačeńnie. Źjaviŭsia kamandujučy Vajskova-pavietranymi siłami i vojskami SPA.
Im staŭ 49-hadovy Ihar Hołub, jaki da apošniaha času źjaŭlaŭsia namieśnikam kamandujučaha VPS i vojskaŭ SPA. Pasada była vakantnaj paśla taho, jak Aleh Dvihaloŭ pajšoŭ na pavyšeńnie i byŭ pryznačany kiraŭnikom vajskova-pramysłovaha kamiteta.
Ihar Hołub naradziŭsia ŭ Čarnihavie (Ukraina). Tam ža skončyŭ vyšejšaje vajskovaje avijacyjnaje vučylišča lotčykaŭ.
Svaju vajskovuju karjeru pačynaŭ u biełaruskim Ščučynie, u składzie 979-ha źniščalnaha avijacyjnaha pałka, paśla byŭ u Pastavach u 378-m asobnym šturmavym avijacyjnym pałku. Byŭ kamandujučym u 206-j źniščalnaj avijacyjnaj dyvizii ŭ Lidzie.
Admietna, što Ihar Hołub z tych siłavikoŭ, chto nie atrymlivaŭ adukacyi ŭ Rasii. U 2005 jon skončyŭ Vajskovuju akademiju Biełarusi, a ŭ 2011 padmacavaŭ adukacyju, skončyŭšy fakultet Hienštaba Vajskovaj akademii.
Ihar Hołub maje zvańnie hienierał-majora.
Andrej Hurcevič, jaki da apošniaha času byŭ načalnikam fakulteta Hienieralnaha štaba, staŭ namieśnikam u Ihara Hołuba.
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary