U MUS Biełarusi prakamientavali infarmacyju ab źniknieńni na terytoryi našaj krainy 19-hadovaha ŭkrainca Paŭła Hryba. Pra heta paviedamlaje pres-słužba viedamstva.
31 žniŭnia ŭ UUS Homielskaha abłvykankama pastupiła elektronny zvarot ad hramadzianina Ukrainy Ihara Hryba pra toje, što jaho syn, 19-hadovy Pavieł Hryb, vyjechaŭ 24 žniŭnia na rejsavym aŭtobusie ŭ Homiel na sustreču sa znajomaj i z taho času jaho miescaznachodžańnie nieviadoma.
«Pa hetym fakcie ŭ paradku art. 174 KPK Respubliki Biełaruś AUS administracyi Čyhunačnaha rajona Homiela pravodzicca pravierka. Ustanoŭlena, što ŭ pieryjad znachodžańnia na terytoryi Respubliki Biełaruś hramadzianin Pavieł Hryb supracoŭnikami orhanaŭ unutranych spraŭ nie zatrymlivaŭsia, z zajavami abo pa inšych abstavinach u milicyju nie źviartaŭsia. U ciapierašni čas jaho miescaznachodžańnie nie ŭstanoŭlena», - adznačyli ŭ viedamstvie.
U MUS zajavili, što supracoŭniki milicyi pravodziać kompleks apieratyŭna-vyšukovych mierapryjemstvaŭ i prymajucca miery da ŭstanaŭleńnia źnikłaha hramadzianina Ukrainy. Pa zakančeńni pravierki materyjały buduć nakiravanyja ŭ padraździaleńnie Śledčaha kamiteta dla pryniaćcia rašeńnia ab uzbudžeńni kryminalnaj spravy pa fakcie nieviadomaha źniknieńnia hramadzianina Ukrainy.
7 vieraśnia MZS Ukrainy paviedamiŭ, što Pavieł Hryb znachodzicca ŭ SIZA FSB Krasnadara.
Nahadajem, pra źniknieńnie 19-hadovaha ŭkrainca stała viadoma 28 žniŭnia. Pavieł Hryb pajechaŭ u Homiel na sustreču z rasijankaj, ź jakoj paznajomiŭsia ŭ internecie.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii
Kamientary