Maštabnaje daśledavańnie pakazała, što hłabalnaje paciapleńnie moža źniščyć tracinu ŭsich vidaŭ parazitaŭ na Ziamli — i heta, na samoj spravie, vielmi drenna. Karotka navukovuju publikacyju pra heta pieradaje The Guardian.
Amierykanskija navukoŭcy skanstrujavali roznyja scenary raspaŭsiudžvańnia 457 parazitaŭ na Ziamli ŭ vypadku taho ci inšaha raźvićcia źmieny klimatu. Vyśvietliłasia, što siaredni ŭzrovień vymirańnia takich istot z-za taho, što miescy ich pražyvańnia pryjduć u nieprydatnaść, da 2070 hoda składzie 10%. U zaležnaści ad roznych uzroŭniaŭ skaračeńniaŭ vykidaŭ hetaja dola moža vyraści da 20% i navat da 37%.
«Heta ašałamlalnaja kolkaść, — zajaviŭ Kolin Karłsan z Kalifarnijskaha ŭniviersiteta ŭ Bierkli, pad kiraŭnictvam jakoha prachodziła praca. — Padobna na toje, što parazity źjaŭlajucca adnoj z najbolš uraźlivych hrup nasielnikaŭ Ziamli».
Płanieta moža stracić šmatlikija vidy čarviakoŭ, klaščoŭ, vošaj i błoch.
Pa słovach navukoŭca, vymirańnie parazitaŭ pahražaje masavaj destabilizacyjaj ekasistem, što moža pryvieści da samych niehatyŭnych nastupstvaŭ dla dzikaj pryrody i čałavieka. U jakaści prykładu Karłsan pryvodzić adnaho čarviaka-vałasacika, jaki žyvie ŭ ciele konika ŭ Japonii. Hety parazit prymušaje konika tapicca ŭ miascovych vadajomach, dzie jon słužyć ježaj dla redkich ryb.
-
Claude maluje hrafiki i dyjahramy niepasredna ŭ čacie
-
Ehaistyčnaja chramasoma ledź nie vyniščyła ludziej tysiačahodździ tamu. Padobna, jana viarnułasia — u marmonski štat Juta
-
Jak bot sa štučnym intelektam OpenClaw spačatku zachapiŭ śviet, a paśla trapiŭ pad zabarony i byŭ nazvany «kašmaram kibierbiaśpieki»
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary