«Nie zadavalniaje kraina — jedź na ŭsie čatyry baki»: praviły žyćcia niaviestki ministra pryrody
Alaksandr Łukašenka 14 vieraśnia pryznačyŭ Andreja Chudyka ministram achovy pryrodnych resursaŭ. «Naša Niva» napisała pra čynoŭnika piać faktaŭ.
Padčas padrychtoŭki taho materyjału my znajšli akaŭnt u ask.fm niaviestki ministra Viktoryi Chudyk (Šulženka). Viadoma, pryznačeniec nie niasie nijakaj adkaznaści za žonku syna. Ale my paličyli cikavym vykłaści niekatoryja razvahi Viktoryi, tym bolš što jany znachodziacca ŭ adkrytym dostupie.
***
Ci važnyja hrošy?
Važnyja, viadoma, bo hrošy — heta mahčymaści. Kali b zdarylisia časovyja ciažkaści, to ja b spraviłasia, ale starałasia b vypravić situacyju.
***
Abutak čaściej za ŭsio kuplaju ŭ Hrodnie ŭ «Avieniu» i «Links», kiedy i krasoŭki mahu kupić u polskich ci litoŭskich kramach. Vopratku nabyvaju čaściej u Minsku ŭ handlovych centrach, u Polščy, Litvie. Taksama pa internecie mahu zakupicca. Na brendy nie źviartaju ŭvahi, hałoŭnaje — kab kaściumčyk siadzieŭ. Ale vielmi mnoha ŭ mianie rečaŭ Zara, Cotton spadabaŭsia ŭ Minsku. Jość paru rečaŭ i z Aliekspresa.
***
Ty adnosiš siabie da intelektuałaŭ abo erudytaŭ?
Dumaju, ja intelektuałka. Chacia jaki erudyt skaža, što jon nie zdolny apieravać svaimi viedami:)
***
Jak vy z mužam dzielicie chatnija abaviazki?
Jon zarablaje hrošy, ja — zachavalnica chatniaha ačaha. Ale jon vielmi šmat času nadaje dzieciam, asabliva starejšamu, dy i małodšaha mahu spakojna na jaho pakinuć, kali treba kudy-niebudź pa spravach.
***
Navat kali b ja vychodziła zamuž ciapier, ja b nie admoviłasia ad tradycyjnaha viasiella. Sa šmatlikimi haściami, šykoŭnaj sukienkaj z velumam, restaranam, vielizarnym trochjarusnym tortam, šykoŭnym viadučym i krutym kavier-bendam. Adzinaje, nijakaha vykupu i durnych konkursaŭ.
***
Čamu pavinna źjazdžać ja? Mianie jakraz-taki ŭsio zadavalniaje. I daj Boh vam prynosić stolki ž karyści dziaržavie i narodu, kolki prynosić maja siamja.
***
A što zrabili vy, kab vam žyłosia lepš? I naohuł, ja prytrymlivajusia takoha punktu hledžańnia: nie zadavalniaje — jedź na ŭsie čatyry baki! A «haŭkać» i abzyvać kahości, nie viedajučy, kolki pracy staić za pośpiecham, moža tolki ANANIMNA čałaviek, jaki ni na što bolš nie zdolny!
***
A chto tvoj śviokar?
Fajny čałaviek.
***
Skažycie, a chiba drenna, kali baćki dapamahajuć svaim dzieciam? Mnie zdajecca, tak i pavinna być. Tak i adbyłosia, kali baćka dapamoh majmu mužu ź jaho pieršaj pracaj u śfiery, u jakoj jon pracuje ciapier. Muž pry hetym prajšoŭ usie prystupki leśvički sam. I dziakujučy pracavitaści, ruplivaści, prafiesijnym i čałaviečym jakaściam jon raźvivaŭsia vyšej. Baćka nikoli nie lez u jaho spravy, chiba što dapamahaŭ paradaj.
***
Žyć z čałaviekam biez kachańnia, z-za hrošaj ja b nie zmahła, heta supiarečyć majoj natury.
***
Što najlepš padaryć mužčynu na dzień naradžeńnia?
Nuuu, naprykład, kali zajmajecca sportam, možna padaryć što-niebudź sa spartyŭnych aksiesuaraŭ: palčatki dla biehu, dla štanhi, futbołku, termabializnu (dla biehu na vulicy). Abaniemienty ŭ jaho lubimy spartzał abo basiejn.
Płejer.
Dobruju parfumu.
Dychtoŭny remień.
Kupiurnica, vizitoŭnica, kašalok.
Dobry ałkahol.
Kali daražej — «razumny» hadzińnik.
Heta ja vam pieraličyła, čamu byŭ by rady moj muž.
***
Što čakajecie ŭ padarunak ad muža na 8 Sakavika?
Dy ničoha asablivaha nie čakaju. Pryhožyja kvietki, jak zaŭsiody, vydatny nastroj, kłopat. Nu i ad kvitkoŭ na kancert Lepsa nie admoviłasia b.
***
Chacieła b žyć u Minsku?
Kali tam budzie dobry zarobak, to tady tak. Ale mnie Hrodna bližej.
Kamientary