Biełaruskija školniki zavajavali 9 miedaloŭ na mižnarodnaj alimpijadzie ŭ Kitai
Upieršyniu ŭ historyi biełaruskaja kamanda viarnułasia ź Mižnarodnaj alimpijady pa navukach ab Ziamli ź dzieviaćciu miedalami. Junyja hieohrafy pakazali adzin z najlepšych vynikaŭ u śviecie.
XVIII Mižnarodnaja alimpijada pa navukach ab Ziamli (IESO-2025) prajšła z 8 pa 16 žniŭnia ŭ kitajskim Czininie. U joj udzielničali kala 130 školnikaŭ z 31 krainy.
Na alimpijadzie ŭdzielniki vykonvali tearetyčnyja i praktyčnyja zadańni, a taksama pracavali ŭ kamandnych prajektach ESP i ITFI.
Upieršyniu ŭ historyi biełaruskija junyja hieohrafy zavajavali adrazu dzieviać miedaloŭ: dva załatyja, try srebnyja i čatyry bronzavyja.
-
Mikałaj Misijuk, vypusknik himnazii №2 Bresta — zavajavaŭ zołata i srebra. U pačatku žniŭni jon taksama staŭ absalutnym pieramožcam Mižnarodnaj hieahrafičnaj alimpijady. Sioleta biez ekzamienaŭ pastupiŭ na fakultet hieahrafii i hieainfarmatyki BDU. Nastaŭnica Julija Bahdasarava adznačaje, što Mikałaj nikoli nie mieŭ repietytaraŭ, ale moh zajmacca hieahrafijaj pa 7—8 hadzin na dzień.
-
Alaksandr Šałkoŭski, vypusknik Mahiloŭskaha dziaržaŭnaha abłasnoha liceja №1 — zołata i bronzu.
-
Lizavieta Caŭko, vypusknica himnazii №1 imia abaroncaŭ Bresckaj krepaści — dva srebra i bronzu.
-
Alaksiej Klimko, vypusknik SŠ №118 imia K. K. Rakasoŭskaha ŭ Minsku — dźvie bronzy.
Kamandu rychtavali kandydaty hieahrafičnych navuk: pieršy prarektar BDU Dźmitryj Kurłovič i dekan fakulteta hieahrafii i hieainfarmatyki Alena Kalmakova. Usie čaćviora maładych pieramožcaŭ užo stali studentami BDU.
-
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia
-
Kolkaść mašyn na polskaj miažy ŭpieršyniu za dva tydni apuściłasia nižej za 4000 aŭtamabilaŭ
-
Zatrymany staršynia Paralimpijskaha kamiteta Aleh Šepiel
Kamientary