U vioscy pad Brestam miascovyja žychary rehularna kanfliktujuć z adpačyvalnikami. Dajšło da abstrełu elektramabila
Na bierazie Muchaŭca kala vioski Vaŭki ŭ Bresckim rajonie razhareŭsia kanflikt pamiž miascovymi žycharami i ludźmi, jakija pryjazdžajuć siudy adpačyvać. Padstavaj stała videa ŭ tyktoku, jakoje ŭžo nabrała bolš za 220 tysiač prahladaŭ i kala 400 kamientaryjaŭ, piša sb.by.
Na kadrach ź videa bačny elektramabil z raźbitym bakavym škłom i ŭvahnutymi dźviaryma. Aŭtar rolika zajaviŭ, što paškodžańni, vierahodna, naniesienyja strełami ź pnieŭmatyčnaj zbroi, i abvinavaciŭ u hetym miascovych žycharoŭ.
Supracoŭniki sb.by razam z kiraŭnikom Muchavieckaha sielsavieta Alaksandram Kaśpierukom pajechali na miesca zdareńnia, kab razabracca ŭ situacyi. Zahadzia damovilisia pra sustreču z aŭtaram videa, ale toj pierad samym ich pryjezdam ad razmovy admoviŭsia.
Vioski Vaŭki, Huli i Litviny znachodziacca ŭsiaho za 10—15 kiłamietrach ad Bresta, na malaŭničaj prybiarežnaj linii Muchaŭca. Tut roŭnyja darohi, vysokija płaty, dahledžanyja damy, a miascovyja žychary aktyŭna ŭparadkoŭvajuć terytoryju: pa ich prośbach abnavili darožnaje pakryćcio, naładzili ruch haradskoha aŭtobusa i aŭtałaŭki. U kožnaj ź viosak žyvie kala 40 čałaviek.
Pavodle słoŭ Alaksandra Kaśpieruka, za ŭvieś čas jaho pracy (z 2017 hoda) u sielsaviet nivodnaha razu nie pastupała ni vusnych, ni piśmovych skarhaŭ na šum ci inšyja prablemy ad adpačyvalnikaŭ i rybałovaŭ.
Adnak uzdoŭž raki zastajucca ślady častych naviedvańniaŭ: śmiećcie, kastryščy, prakatanyja aŭtamabilami ściežki. Kupańnie ŭ hetym miescy zabaroniena, bo zona nie abstalavanaja, ale ludzi na adpačynak pryjazdžajuć siudy rehularna.
U kamientaryjach da rolika ŭ tyktoku mierkavańni padzialilisia. Adnyja ličać, što miascovyja dziejničali nieapraŭdana ahresiŭna, druhija — što pretenzii spraviadlivyja, bo adpačyvalniki pakidajuć śmiećcie i šumiać nočču. Niekatoryja prapanujuć pastavić fotapastki, kab dakładna viedać, chto parušaje paradak.
Hetaja situacyja — nie pieršaja ŭ kanfliktach vakoł Vaŭkoŭ. Na inšych videa ŭ siecivie pakazvali pierakapanuju darohu da raki i mietaličnyja štyry, pastaŭlenyja ŭ ziamlu, kab pieraškodzić prajezdu. Ciapier hetyja pieraškody prybranyja, ale infarmacyja pra padobnyja vypadki rehularna źjaŭlajecca ŭ miascovych internet-supołkach.
Pasprabavać pahutaryć z uładalnikami damoŭ žurnalistam nie ŭdałosia: nichto nie vyjšaŭ na zvanki ŭ varoty, a vypadkovaja sustrečnaja žycharka admoviłasia ad kamientaroŭ.
Jak paviedamiła Natalla Mośkina, jakaja časova vykonvaje abaviazki načalnicy ŭpraŭleńnia infarmacyi i hramadskich suviaziaŭ UUS Bresckaha abłvykankama, pa faktach, jakija jość u roliku, milicyja ciapier pravodzić pravierku.
Nieŭzabavie milicyja znajšła vinavataha ŭ paškodžańni mašyny. Im akazaŭsia 51-hadovy žychar Bresta, jaki pryjechaŭ u Vaŭki na daču. U hety čas niepadalok ad jahonaha dačnaha domika na bierazie raki raźmiaściłasia kampanija, jakaja słuchała hučnuju muzyku i hetym zaminała mužčynu. Tady dačnik uziaŭ rahatku, načyniŭ jaje mietaličnymi šarykami i dvojčy streliŭ pa pryparkavanym na bierazie raki aŭtamabili. Ciapier mužčyna zatrymany, suprać jaho raspačali kryminalnuju spravu.
Na trasie pad Minskam kiroŭca źbiŭ maładoha tryjatłanista i ŭciok, pakinuŭšy chłopca pamirać
U Hrodnie mužčyna špurnuŭ plašku ŭ aŭtamabil. Atrymaŭ kryminalnuju spravu i pavinien vypłacić 630 rubloŭ
U Mahiloŭskim rajonie mužčyna naŭmysna raskidaŭ na darozie ćviki i samarezy
U Minsku zatrymali piensijaniera, jaki čyniŭ samasud nad kiroŭcami
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja39
Kamientary
>Adnyja - ADNY (niama takoha słova NIDZIE! akramia NN!)
>jakaja hučna słuchała muzyku - JAK MOŽNA SŁUCHAĆ HUČNA? ))))))