U hateli Ankorydža amierykancy zabylisia dakumienty, datyčnyja samitu Trampa i Pucina
Amierykanskaje nacyjanalnaje hramadskaje radyjo (NPR) paviedamlaje, što ŭ publičnaj drukarcy hatela ŭ Ankorydžy pastajalcy znajšli vosiem staronak dakumientaŭ, jakija apisvajuć płan sustrečy rasijskaha i amierykanskaha prezidentaŭ. Ź ich vynikaje, što pieršapačatkova jana musiła prajści krychu inačaj, čym heta było realna.
Dakumienty znajšli try nienazvanyja pastajalcy čatyrochzorkavaha Hotel Captain Cook, jaki znachodzicca za 20 chvilin chady ad miesca samitu — bazy «Elmiendorf-Ryčardsan». Adbyłosia heta kala 9-j ranicy pa miascovym časie ŭ piatnicu, heta značyć prykładna za dźvie hadziny da pačatku sustrečy.
NPR apublikavała vosiem staronak dakumienta. Ź jaho vynikaje, što spačatku prezidenty pavinny byli razmaŭlać nie sam-nasam, jak płanavałasia pieršapačatkova, i nie try na try, jak adbyłosia ŭ vyniku, a dva na dva: z amierykanskaha boku — Donald Tramp i Styŭ Uitkaf, z rasijskaha — Uładzimir Pucin i jahony pamočnik Juryj Ušakoŭ. U kančatkovym vyniku da ich dałučylisia kiraŭniki źniešniepalityčnych viedamstvaŭ dźviuch krain — Siarhiej Łaŭroŭ i Marka Rubia.
Taksama było ŭklučana mieniu sumiesnaha abiedu i hrafik sustrečy, ź jakoha vynikaje, što na sumiesnuju pres-kanfierencyju dvuch prezidentaŭ advodziłasia hadzina.
U vyniku ž Pucin i Tramp paśla svajoj sustrečy vystupili pierad žurnalistami, ale adkazvać na ich pytańni nie stali.
U Biełym domie i Dziarždepartamiencie ZŠA nie adkazali na zapyty pra kamientary adnosna hetych dakumientaŭ, piša NPR.
Miełoni paviedamiła, što Tramp hatovy dać Ukrainie harantyi biaśpieki pa madeli NATA
Mierc raskazaŭ pra «vialiki prahres» paśla sustrečy Trampa i Pucina
Tramp pieradaŭ Zialenskamu, što Pucin choča atrymać uvieś Danbas
Tramp pryvitaŭ Pucina na Alascy bambardziroŭščykami, što bambili Iran
Były daradca prezidenta ZŠA: Tramp na pieramovach nie prajhraŭ, ale Pucin vidavočna pieramoh
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary
dołžien
1) (imieť dołh) vinien, vinavat on mnie dołžien diesiať rublej — jon mnie vinien (vinavat) dziesiać rubloŭ
2) (byť obiazannym čto-libo diełať) pavinien
my nie dołžny bojaťsia trudnostiej — my nie pavinny bajacca ciažkaściej
pri vyražienii vierojatnosti, priedpołahajemoj nieiźbiežnosti pierievoditsia jeŝio ličnymi formami ot hłahołov mieć i (dla prošiedšieho vriemieni) miecca
on skoro dołžien viernuťsia — jon chutka maje (pavinien) viarnucca
ona dołžna była prijti jeŝio včiera — jana miełasia (pavinna była) pryjści jašče ŭčora
*************************
dla vyražienija značienija: byť vynuždiennym — pierievoditsia takžie ličnymi formami ot hłahoła musić
***************************
ona dołžna była eto sdiełať — jana musiła (pavinna była) heta zrabić