«Rasija pahadziłasia nie zachoplivać usiu Ukrainu całkam». Uitkaf zajaviŭ pra praryŭ u pieramovach pamiž ZŠA i Rasijaj
Śpiecpasłańnik Donalda Trampa Styŭ Uitkaf zajaviŭ, što ZŠA i Rasija dasiahnuli damoŭlenaściaŭ pa harantyjach biaśpieki dla Ukrainy. Jon zajaviŭ, što jany praryŭnyja i źmianiajuć praviły hulni.
Pra heta jon raskazaŭ u efiry telekanała CNN.
Pa jaho słovach, sastupki, na jakija pahadziłasia Rasija, zaklučajucca ŭ tym, kab «nie zachoplivać usiu Ukrainu całkam».
Uitkaf paviedamiŭ, što ciapier usio zaležyć ad Kijeva. U paniadziełak płanujucca pieramovy amierykanskaha prezidenta z prezidentam Ukrainy Uładzimiram Zialenskim, dzie asobna abmiarkujuć pytańnie terytoryj.
Uitkaf taksama zajaviŭ, što Pucin pahadziŭsia zakanadaŭča zamacavać abaviazacielstva nie pasiahać ni na jakija inšyja terytoryi — ni va Ukrainie, ni ŭ astatniaj Jeŭropie. Heta moža stać častkaj mirnaha pahadnieńnia, udakładniŭ jon.
«My damovilisia ab surjoznych harantyjach biaśpieki, jakija ja b acharaktaryzavaŭ jak tyja, što źmianiajuć praviły hulni. My nie dumali, što akažamsia nastolki blizka da pahadnieńnia ab abaronie pavodle artykuła 5 z boku Złučanych Štataŭ, zakanadaŭčym zamacavańni ŭ Rasijskaj Fiederacyi abaviazacielstva nie pasiahać na inšyja terytoryi paśla kadyfikacyi mirnaha pahadnieńnia, a taksama zakanadaŭčym zamacavańni ŭ Rasijskaj Fiederacyi abaviazacielstva nie napadać na inšyja jeŭrapiejskija krainy i nie parušać ich suvierenitet. Tak što my pryjšli da pahadnieńnia, i heta jašče nie ŭsio», — skazaŭ Uitkaf.
Amierykanski śpiecpasłańnik taksama vykazaŭ nadzieju, što ŭdasca arhanizavać trochbakovuju sustreču Rasii, ZŠA i Ukrainy. Na pytańnie, ci daŭ užo Pucin zhodu na taki farmat, Uitkaf prama nie adkazaŭ.
Ciapier čytajuć
Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»20
Kamientary
Vot takoj "proryv" !
Čto tolko nie vydaš za "proryv", čtoby skryť kapitulaciju trampa pieried putinym, a s nim i kapitulaciju Ukrainy.....
kakaja strana śledujuŝaja? Kazachstan?
A odnoj Ukrainoj bolšie, odnoj mieńšie, kakaja raźnica?