Zaprošanyja Biełaruśsiu naziralniki z susiednich krain prybyli na sumiesnyja biełaruska-rasijskija vajskovyja vučeńni «Zachad-2017», paviedamiŭ RIAN u subotu ŭ Minsku načalnik upraŭleńnia infarmacyi - pres-sakratar hałoŭnaha ŭpraŭleńnia ideałahičnaj raboty Ministerstva abarony Biełarusi Uładzimir Makaraŭ.
«Zychodziačy ź imknieńnia da raźvićcia supracoŭnictva i dobrasusiedstva, a taksama pryncypaŭ uzajemnaści, adkrytaści i transparentnaści, Biełaruś na dobraachvotnaj asnovie zaprasiła dla nazirańnia za chodam sumiesnaha stratehičnaha vučeńnia «Zachad-2017» ad 16 da 20 vieraśnia pradstaŭnikoŭ ad Łatvii, Litvy, Polščy, Ukrainy, Šviecyi, Estonii, Narviehii. Siońnia ŭ Minsk prybyli pa dva pradstaŭniki ad kožnaj zaprošanaj dziaržavy», - paviedamiŭ Makaraŭ žurnalistam.
Jon adznačyŭ, što prahrama raboty naziralnikaŭ praduhledžvaje naviedvańnie palihonaŭ, dzie jany zmohuć aznajomicca z praktyčnymi dziejańniami ŭdzielnikaŭ sumiesnaha stratehičnaha vučeńnia.
Vučeńni «Zachad-2107» prachodziać 14—20 vieraśnia na terytoryi Biełarusi i troch palihonach u Rasii. Jak raniej paviedamlała Minabarony Biełarusi, Minsk zaprasiŭ nazirać za vučeńniami pradstaŭnikoŭ mižnarodnych arhanizacyj (AAN, ABSIE, NATA, SND, ADKB, MKČK), a taksama vajskova-dypłamatyčnaha korpusa zamiežnych dziaržaŭ, akredytavanych pry ambasadach svaich krain. Dadatkova byli zaprošanyja vajskovyja naziralniki siami susiednich dziaržaŭ. Usiaho zaprošanyja bolš za 80 čałaviek.
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili4
Kamientary