Navukoŭcy znajšli redkich nasiakomych, jakija ličylisia vymierłymi ŭžo amal 100 hadoŭ FOTA
Hrupa navukoŭcaŭ vyjaviła na nievialikaj vułkaničnaj vyśpie Łord Choŭ u Cichim akijanie kałoniju niezvyčajnych nasiakomych, tak zvanych «draŭnianych łobstaraŭ» (Dryococelus australis), jakija ličylisia vymierłymi bolš za 100 hadoŭ. Pra heta navukoŭcy pišuć u artykule, što apublikavany ŭ časopisie Current Biology.
Draŭnianyja łobstary bolš za stahodździe ličylisia, naroŭni z drontami z vyspy Maŭrykij i sumčatymi vaŭkami, adnymi ź pieršych achviar čałavieka. Hetyja niezvyčajna bujnyja kazurki daŭžynioj prykładna 15 santymietraŭ i vahoj kala 25 hram žyli na vułkaničnym vostravie łorda Chou ŭ Tasmanskim mory (Akijanija), i kvitnieli da pryšeścia tudy čałavieka.
Ich vymirańnie aficyjna paćvierdzili ŭ 1925 hodzie i źviazvali ź dźviuma pryčynami. Pieršapačatkova maraki i žychary vyspy vykarystoŭvali hetych niezvyčajnych pałačnikaŭ u jakaści prynady dla łoŭli bujnoj ryby, a zatym vyspu «anieksavali» pacuki, jakija pieražyli krušeńnie karabla ŭ 1918 hodzie i dosyć chutka źniščyli ŭsich Dryococelus australis, jakich i biez taho zastavałasia niašmat.
U 1965 hodzie alpinist, jaki vandravaŭ pa trapičnych vyspach Akijanii, zaŭvažyŭ na adnoj ź ich, jakaja maje nazvu «Piramida Boła», niekalki nasiakomych, vielmi padobnych da draŭnianych łobstaraŭ. Hetaja znachodka vyklikała šmat sprečak. I voś ciapier, kali navukoŭcy vyjavili Dryococelus australis na vyśpie Łord Chou, možna dakładna skazać, što pałačniki ź Piramidy Boła sapraŭdy jość tymi ž samymi nasiakomymi: struktura mitachandryjalnaj DNK u ich usiaho na 1% adroźnivajecca ad nasiakomych z vyspy Łord Chou.
Navukoŭcy vykazvajuć spadzieŭ, što hetaje adkryćcio natchnić žycharoŭ vyspy i paskoryć baraćbu z pacukami, jakuju ciapier viadzie ŭrad, kab zachavać aŭtentyčnych žyvioł rehijonu.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary