«Vypadak z pomnikam Kaściušku — vyklučeńnie, a nie praviła. Polšča paśladoŭnaja ŭ padtrymcy biełaruskaj niezaležnaści»
Absalutnaje hłupstva napisaŭ Staś Karpaŭ. («Polšča [choča, kab Biełaruś była ŭ statusie] bufiernaj zony i sumiesi niedapolskich z taksamaruskimi».). Naadvarot, Polšča 27 hadoŭ paśladoŭna trymajecca kancepcyi Hiedrojcia: paśladoŭnaja padtrymka niezaležnaści i nacyjatvareńnia va Ukrainie, Litvie, Biełarusi i poŭnaja admova ad pretenzij da hetych krain. Na kancepcyi Dmoŭskaha pastaŭleny kryž, kancepcyja Hiedrojcia realizujecca niezaležna ad taho, chto kaho źmianiaje pry ŭładzie ŭ Varšavie.
Polšča ŭkładaje ahromnyja srodki va ŭmacavańnie niezaležnaści i identyčnaści Biełarusi, u dapamohu biełaruskaj kultury. Adziny biełaruskamoŭny telekanał pracuje nie za biełaruskija, a za polskija hrošy.
Nakont palityki — Stasiu varta pačytać knihu Snajdera «Rekanstrukcyja nacyj». Snajder pakazvaje, nakolki Varšava paśladoŭnaja ŭ svajoj palitycy, skiravanaj na padtrymku niezaležnaści i cełasnaści Biełarusi i Ukrainy.
Vypadak z pomnikam Kaściušku — vyklučeńnie, a nie praviła, nie viedaju, ci jon źviazany z palityčnymi źmienami ŭ Polščy.
Viadoma, za biełarusaŭ nichto Biełarusi nie zrobić, pilnavać svaich intaresaŭ treba nam. Ale raździmańnie isteryi suprać usich i pošuk vorahaŭ na ŭsich kirunkach — samaje tupoje, što mohuć rabić biełaruskija intelektuały.
***
Na telehram-kanał «Našaj Nivy» možna padpisacca tut.
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary