13 kastryčnika kiraŭnik Biełarusi Alaksandr Łukašenka pravioŭ naradu ź siłavym błokam. U vyniku ad pasadaŭ było adchilenaje ŭsio kiraŭnictva Apieratyŭna-analityčnaha centra na čale z načalnikam Siarhiejem Špiehunom.
Admysłovaja kamisija, jakaja rasśledavała dziejnaść AAC, pradstaviła Łukašenku peŭnyja fakty, da poŭnaj pravierki jakich kiraŭnictva Apieratyŭna-analityčnaha centra nie budzie zajmać svaje pasady.
Jak paviedamiła pres-sakratarka Łukašenki Natalla Ejsmant, siarod inšaha razhladałasia pytańnie ź śmierciu navabranca ŭ vajskovaj čaści ŭ Piečach pad Barysavam.
Admietna, što na naradzie adsutničaŭ ministr abarony Andrej Raŭkoŭ. Pra heta možna mierkavać ź videa- i fotamateryjałaŭ, što źmiaščajucca ŭ dziaržaŭnych ŚMI. Atrymać kamientar u pres-słužby Minabarony nie ŭdałosia. Źviartaje na siabie ŭvahu, što ŭčora Raŭkoŭ udzielničaŭ u pasiedžańni Rady ministraŭ abarony krain SND, jakaja prachodziła ŭ Dušanbe. Mahčyma, ministr prosta nie paśpieŭ viarnucca z kamandziroŭki ŭ Tadžykistan.
Na sajcie zvarot.by praciahvajecca zbor podpisaŭ za adstaŭku ministra abarony Raŭkova. Za dvoje sutak jaje padpisali bolš za 9 tysiač čałaviek.
U toj ža čas u armii Raŭkoŭ karystajecca aŭtarytetam. Jaho ličać pieršym bolš biełaruskim, čym savieckim hienierałam na čale ministerstva. Adznačajuć jaho pačućcie humaru, a taksama enierhiju.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary