Biełaruski startap stvaryŭ unikalnuju pryładu i mabilny dadatak dla nazirańnia za lohkimi
Biełaruski startap Healthy Networks stvaryŭ unikalnuju pryładu «elektronny stetaskop» i mabilny dadatak dla jaho i atrymaŭ $100 tysiač ad fondu Spacemind Capital na dalejšaje raźvićcio prajekta.
Elektronny stetaskop prykładajecca da cieła i pieradaje sihnał na telefon praz Bluetooth. Zatym sihnał apracoŭvaje niejronnaja sietka, jakaja ŭstaloŭvaje typ chrypaŭ, paśla čaho karystalnik adkazvaje na šerah pytańniaŭ, i sistema analizuje jahony stan.
Pryłada moža raspaznavać takija šyroka raspaŭsiudžanyja zachvorvańni jak astma, pnieŭmanija, branchit i chraničnaja abstruktyŭnaja chvaroba lohkich z dakładnaściu 85%.
Jak raspaviała «Našaj Nivie» suzasnavalnica startapa Alena Binieckaja, pryłada i mabilny dadatak ciapier znachodziacca ŭ režymie testavańnia: beta-viersii dastupnyja tolki prainstruktavanym karystalnikam i ŭstalavanyja na ich asabistyja telefony.
Miarkujecca, što cana kancavoha praduktu składzie kala 80 rubloŭ.
Kamientary